Pathian nih A Bia ngaih hi a duh..Amah bochan hi a duh.
Voikhat cu exam ngei ding kan si. Greek le a si fawn. Ahar ngai ca ah..biatak tein ka zoh i, ka lung zong hi a fim lo. Pathian sin ah thla ka cam, Amah sin ah ka ap dih. Phiding kan si cang. Lunch dih in ngei ding kan si. Kei kha ka buai rih ko, ka cawhdih cang rawl zong ka ei kho tilo. Cu ti cun rawl țam ngaingai phit kai tim. Room chung kan lut ka rawlțam ngai cang. Ca cu ka ruat. Cun kan professor pa nih thla kan cam lai a ti. Cu ah cun kei cu thlacam loin sau nawn khi ka ca cu ka zoh ta, cu hnu ah ka mit kai chinh le thla ka cam. Ka thinlung ah a hung chuak mi cu Pathian nakin nangmah nai rinhchanh deuh ca ah na phi kho lailo ti a chuak. Aw thlacam loin kei mah cu ca ka rak i zoh ter len. Bawipa ka ngai thiam ka bawm hram sawh tiah thinlung tein thla ka cam țhan. Asinain ka lung nuam hlei lo. Khan cun phit hi ka huam tilo ka rawl țam fawn. Ka thlanchuak cu bu cun ka phi i ka phi kho bak lo ka philh dih ko ka theih cia mi zong. A 0it bak in a pit. Result chuak cu marks 75 lawng ka ngah. Cu hmanh cu bawmh chom in. Hi zawn ahhin Pathian nih a mah pakhat nak ah chiah hi a duh ti kai fiang. Minung sinakin ka byheart khawh lomi van zoh pah cu ca ai zuam tuk mi hna ka lo, asiloah ka philh sual lai tiah ka van zoh duak mi khi a si. Pathian nih a duh hlei lo, asin thlacam hmanh pei ka huam lo cu. Siangpahrang Saul nih Pathian sin ah cawthauthau he raithawinak a pek mi cu Pathian nih a duh lo, asinak țhil tu ah a cang. Zeicahtiah Pathian nawl ngai loin amah nawl in raithawi nak a tuah ruang ah a si.
Exam tuah lio ah ka buainak a ruang cu Pathian kha pakhat nak chia loin ka exam le ka ca ngah lo kha pakht nak ah ka chiah ruang ah a si. Nifatin kan nunnak ah Pathian sin ah thla zong cam huaha lo, Buble zong rel lemloin Pathian rian kan țuan sual maw, Khrihfabu ah kan i pe sual maw?
0 comments:
Post a Comment