Voikhat lio ah thing hau cak tuk mi pa pakhat a um. A țhawn tuk ca ah a min zong a thang mi le thlahlawh zong hawinak sang in a hmu mi a si i mirum pakhat sin ah rian a țuan.
A țuan hmasabik ni ah thingkung ngan pipi hleiriat a hau khawh i a pu pa nihcun a uarnak bia chim pah in hi ti bantuk hin țuan ringrin ding in a cah ta. Nihnihnak ahcun thlanhriput ngaiin biatak chuah in thing cu a hau țhan i thing nganpipi hleiruk a hau khawh. Cuticun nikhat hnu nikhat a thing hau mi cu a țum deuh deuh.
Voikhat cu a pupa sin ahcun thazang dihlak chuah in a hau ko nain a hau khawh mi a tlawm deuhdeuh nak kong chim ding ah a va kal i a pupa cu a chimh tik ah a pu nih "aw si..cu si ahcun thingkung pakhat na hau dih le cangka na hreitlung na tat bal maw?" tiah a hal. "Hreitlung tat maw? Thingkung tampi hau ka duh ca ah, a tat in ka tat manh lo cu" tiah a leh.
Cawn ding mi tampi kan ngei, zeidah a biapi ti hi zeibantuk dir hmun kan um zong ah kan philh lo ding le cu a biapi mi cu kan tuah awk a si ti hi pakhat kan cawn khawh mi a si ve.
0 comments:
Post a Comment