Kha lio caan kha..

Kha lio caan kha..

Kan hngakchiat lio ah cun mu..kan i nuam in..hawikom hna he hmun khat lengți in kan caan vialte cu thlum ngai in kan rak hman. Kan hngakchiat lio ahcun thil kan hmuhtheih mihi a taktak kan ruat. Mahlawng um hi a rak har tuk. Kan thiam, kan theih mi hi hawile nih thei ve hna seh ti hi kan rak duh bik mi a si. Sianginn kai hawikom hna kha mu..khawi ah maw um hmun khuar cio hna..a liam cia caan hi ngaih a um tuk e.. Ei hawl in nan vahvaih nak cio ah Pathian tu nih lam in hruai ko hna seh. 

Nan um nak cio in kha lio caan kha nan run ngai ve ko lai ee.. Hngakchiat lio caan le a tu cu ee.. ai dang tuk e. A tu ahcun ruahnak men lawng hi a si cang. Ataktak hi a um rua lo e. Ka hmai ahhin tlangval no tete an um e. An duh mi he lam an lengți hna. Ka par lio ahcun mu..hi bantuk in maw ka rak um ve kha. Kha lio caan kha ee.. hi mino nungaktlangval hna nih hin an ka theihter țhan ee. Ka mitthlam ah suaiin ka lung hna leng, ka ngai kho tuk ee....kha lio caan kha. 

Mino ka rak si lio i hawile hna he duh mi kan tuah i, kan lungput kan thitha, le kan thazang kha ee..a tu ahcun mu khawi hen an si dih hnga. Khualtlawng pa bang tlun caan um sehlaw ka duhthusam a tling kho hnga. Nun hi a taktak cu a har tuk e..hngakchiat lio bang a taktak in ruah kha a nuam in ngaih a um cem ko. Ka ruahnak ahhincun ee...ka no in ka țhawn ngai rih ko. Atu ka uico te he hin hawikom țha kan si. Ka umhar phen tu a si. 

Kha lio ah khan cun mu mino hawikom rual he um har hngal loin caan nuam kan rak tep. Ka thinlung nihhin cun ee..nolio lawng kha a hlam ko ee. Tu ahcun ew..fale hawlcia mi ei in nunnuamhnak ka cen lio cuahmah a si ko rua ka ti lio ah..lunglen phurrit nih a rak ka nenh khi a si. Ka no lio ka ngai tuk ee...ka kum nih le upa cang fawn țung zeitinhme sihnga..chap na duh mi um maw? Comment ah rak chap ve ko..