An thonny timi pa hi a rak um. Dum kaupi a ngei i thingkung tampi le a tlai ei khawh mi tampi a cin hna. Țha tein a zoh khenh i a Dum cu a hning hno ngaingai. A innchak pa nih cu a lungchung tein a rak hngar ve. A leng lang ah cun țha tein an i chawn ko nain a innchak pa lungthin ah cun Anthony cu rem khawh a si hrim lo. Inn chak pa cu ai nuam kho bal lo.
Midang thluachuah an don i va lawmhpi timi hi thil awl cu a si hrim lo. Innthlangpa nih Vom a kah i innchak pa nih cun a hnit zeitia dah si tihi a ruah bik mi a si an ti bang. Anthony Dum kong ah hin a innchak pa cu ai nuam kho bak lo. Anthony Dum thei hna cu an tlai cang i ei an cu cang. Innchak pa thin tur rang tuk nih cun i tuar lo in zei tin dah hi thil hi ka tuah lai tiah khua a ruat. Cu ti a ruah cuahmah lio ah cun Anthony nih cun innchakpa kha uh nan nih tiah thietlai cu buri khat a van put kha a hmuh. Cu ke cang ka in innchakpa cu a ning zah nak nih a thin hma ka ah a hei sawh. Cu hnu hrimhrim.cu zei tik hmanh ah mi thil kong ah ka buai ti lai lo tiah biachah nak a tuah.
0 comments:
Post a Comment