Zu fa te lungput

Zu fa te lungput

Indian tuanbia pakhat a si mi Zu fa te lungput

Hi tuan bia te hi pelh lo tein rel hrimhrim...

Zute pakhat a rak um, Zawhte a țih tuk ruang ah a nun cau in a um ko kha Dawihthiam pakhat nih a hmuh tik ah a zangfak tuk i...Zawhte ah a can ter.

Asinain Zawhte asi tik ah..Uico a țih tuk hawi i, Dawihthiam nih cun a zangfah țhan i Uico ah a can ter țhan. Cu Uico i a cang mi Zute nih cun Tlavang a țih fawn hawi ai,, um awk a thei lo. Zangfak in tiah Dawihthiam nih cun Tlavang ah a can ter țhan. Tlavang i a can hnu zong ah cun Ramvaipa a țih hawi..zei ti um awk a thei lo. A dup bak in bur tang ah ai dup. Cu tik ah Dawihthiam pa zong nih cun ti awk a thei ve hlei lo i Zute ah a canter țhan.

"Zute thinlung na ngeih chung ahhin cun na caah zei hmanh tuah piak khawh mi kan ngei lo" tiah Dawihthiam pa nih cun a ti.

A sang tuk mi dirhmun ah maw? Aniam mi dirhmun ah maw? Zeibantuk dirhmun hmanh khi va si ko sehlaw na nunzang a dam khawh nak ding le khawh lo nak ding cu nangmah lungput, na lungthin, khuaruahnak ah ai țhum mi a si.

Na saduhthah, dirhmun i thleng ko hmanh sehlaw a hlan na lungput le ruahnak na thlen ve hlei lo ah cun na chungril nun cu a mah bawn a si țhiamțhiam ko lai.

Source:101 Zen Stories