Biaknak Chung muril

Biaknak chungmuril cu pum-ap hi a si. Pumpek nun timi nihcun a huap mi a kautuk. Pum-ap timi hi biafang chim nuam cu a si lo. Hi nih sunghzatlaknak timi a sawhduh i a hohmanh nih kan duh mi asilo. Pum-apnak timi fianternak pakhat cu  raldohnak ah asungtu pawlnih kuthnih thlir in a sunghkhan khi a si i lentecelhnak ah a sungtu nih teitu sinah pek dih khi a si. Tlaihmi ral nih a tlaitu ralbawi sinah a sungh bantuk khi a si. Hi biafang hi cu a țha lo lei deuh fianternak a si.

Tuchan ahcun "zeitikhmanhah a sung pe hlah" tii cawn piak a si. A sungpe lo dingin thazang kan i pe i, kan i zuam. A sung ka pek timi cu chim ningzak a si. Asinanin, Pum-ap nak cu Biaknak chungmuril a si. Cucu Pathian dawtnak khuaruahhar le  zangfahnak cungi bia kan leh nak a si. Amah sinah pumpek timi cu țih ruang le mahțuanvo a si ti ruangah si loin dawtnak ruangah a si, zeicahtiah Amah nih a kan dawt hmasa caah! Paul nih Pathian dawtnak khuatuahhar le zangfahnak kong a kan chimh hnu ah kan nunnak dihlak i ap in Pathian thangțhat ding a kan forh. Rom Cakuat 12:1 "Cucaah ka u le ka nau hna, Pathian nih a kan zaangfahnak a nganmi ruangah hin, Pathian sinah a nung in pekchanhmi raithawinak bantukin i pe tuah u; a rian ah aa pumpemi le cohlan awk tlakmi si tuah u; cucu biaknak taktak Pathian nan pek awk biaknak cu a si. " Biaknak taktak Pathian lungtong tu cu kan zeizong Pathian sinah pek hi a si. Nunnak pek i raithawinak hi Biaknak taktak cu a si. Pumpak in pumpeknak timi cu phun tampi a um kho. A sinain, a tuah in na tuah mi kha a biapi tuk. Pathian nih kan nunnak dih lak a duh, 95% lawng a duhlo. Pathian sinah za ah za pumpe kho loin dawnkham tu pathum an um; țihnak, mah le mah i duhnak, lungthin țhalo,buai hna an si. Hi hna pawl ruangah Psthian nih zeitluk in a kan dawt tihi kan thei lo i kan mah tein kan nunnak i uk kan duh caah pumpeknak timi sullam hmanh hi kan theih sual tawn. Pathian sin i pumpek hi Biaknak taktak a si.

Pumpeknak ah zumhnak
Zumhnak cu pumpek nunah a herh tuk mi a si. Amah kan zumh taktak lo ahcun kan pum ka pe ngam lai lo. Amh fiangtein kan theih lo ahcun kan zumngam lailo. Țihnak hi pumap kho lo dingin dawnkham tu a si. Asinain, dawtnak nihcun țihnak vialte a țhawl dih hna. Pathian dawtnak kan theih fian taktak ahcun awlzang tein kan i pe kho lai. Pathian dawtnak cu zeitindah kan theih khawh lai? Kan theih khawhnak hnga phuntam piin kan sinah a langhter. Pathian ka dawt a kan ti. Pathian mithmuhnak in khawi hmanh ah kan i thup kho lo. Kan nunnak zeitik hmanhah a kan ve zungzal, lunglawmhnak le nuamhnak a kan pek. Pathian vu kan nunnak ah tinhmi anei. A kan ngaihthiam i kan cungah a thin a sau. Pathian nihcun kan ruahnak lengin a kan dawt. A kan dawttuk caah a fapa neihchun cu vailamtahnak cungah misual nang le kai caah raithawinak a tuah. Pathian nihcun a kan dawtzia a langhter. A dawtnak kan theih khawhnak hnga vailamtahnak cung i Jesuh kha zoh law, hihi ka duh mi, nangmah telloin thih ka duh deuh ti tuah.

Pathian cu salneitu bang duh na loin mi hnek tu a si lo. Kan mah duhthim khawhnak cu zeitik hmanh ah hrawh ai tim lo. Asinain, kan mah tein a sinah i ap dinghi a kan sawm deuh. Pathian cu a kan daw tu le luattertu a si. Jesuh Khrih sin i kan inap ahcun Amah cu miuk tu si loin kan hawikawm țha a si. Apeh a um rih...

<<<pages 2>>>>