A ho hmanh hngalh lo mi kha Pathian nih ai thim hna

A ho hmanh hngalh lo mi kha Pathian nih ai thim hna

 

Samuel nih Pathian thimmi cu ka hngalh ko a ti, asinain a palh diam(1Samuel 16:6). Samuel nih cun lenglang pumrua kha a zoh. Pathian nihcun pumrua zong cu a zoh chih nain lungthin kha a biapi deuh in a ruah, cucu Samuel nih  a ruah khah ti lomi cu a si.

Hi zawn ahhin Samuel nih a herh bikmi le a hngahmi cu Pathian lamhruainak a si, cucu a hmuh colh ve. A fale pasarih cu an chuak i a hohmanh a thim hna lo. Ahohmanh nih an ruah lomi kha Pathian nih a ruah mi a si, Samuel cu a khuaruah a har cang. Jessi nih cun a fapa 8 a ngeih hna. Samuel nih “ hi lawng hi maw fa na ngeih hna? a ti. Jessi cu a hun i ruat i “aw…ka fapa hniang bik pa a um rih” ati. Samuel nih cun va au uh tiah a ti. Jessi nih hin a fapa hniang pa cu Pathian nih a thim lai tiah a ruat lo.  Asinain cu theng te cu Pathian nih cun a thim.  Asinain Samuel nih a hmuh tikah a theih colh ko. A ho hmanhnih an zum lo, a chan cu a lungthin an hmuh lo caah a si. Pathian nih Filistin ral a doh tikah David lawng hi a do kho tu hna a si.

Jesuh Khrih kan hngalh ahcun Pathian nih a kan thim zia hi hngalh khawh a si. David bantuk in minthang le thimmi cu kan si lo ding nain zumtu khrihfa poh cu thim mi kan si dih. Paul nih “Pathian nih a Fapa bantuk in a kan thim” tiah a ti(Rom. 8:29). Cun kan nih cun thilttha tuahawk ah thim kan si a ti(Efs. 2:10). Cu bantuk in Pathian nihcun kan si khawh tawk tuah dingin a kan thim. Thazang kan ngeih khawhnak dingah Thiang Thlarua nih a kan bawmh. David cu Samuel nih a umpi, David cu Thiang Thlarau nih a zumhter a si lo i, a zumh caah Thiang Thlarau a hmuh deuh. Thiang Thlarau nih a umpi caah siangpahrang asi kho. Pathian rian hi Pathian Thiang Thlarau loin ttuan khawh a si lo. A Fapa Jesuh Khrih hrimhrim hmanh nh Thiang Thlarau cu a herh.

Cu ni i thil umtuning hi minih caan sau an cing lem lo. Sihmanhsehlaw Pathiannih a philh lo, ai cinken ko. Zarh tlawmpal a hnung liam i, a u le nihcun a phunhun in an ti, Zeidah na rak tuah an ti, ra hlah law kan mah a kan thim hnga tiah an rak ti (17:28-29). David cu zeihmah a chim lo, ramlak ah tuu khalh ahcun a kal tthan. A u le cu zeihmah a let hna lo, daitein a um ko. David cu Pathina chiti thuh a si cang i zei a tuahmi hmanh kha Pathian nih training a pek a si. Pathian nih David nunnak cu a zohkhenh i a timhmi si kho dingin a hruai. Cuticun kan nih cung zongah a tuah ve. >>>a um rih...Page 1 ro Page 2

Baibal bia in phungchim…