Pathian ruah dang cu ai dang

Pathian ruah dan cu a dang
Van khi vawlei nakin a let tampiin a san deuh banginka ruahning le ka thil tining zong nan ruahning le nan thil tining nakin a let tampiin a sang deuh(Isaiah 55:9)
Baibal ni fiang tein a kan hmuh ter mi cu, Pathian cu minung bantuk in khua a ruat lo a ti. A biana ah ‘fa a ngei kho lo mi pa Abaraham kha mitampi hna I pa kha. Mipa nih fa ngeih lo hlei ah, a pawngkam thilumtuning nih fa ngei kho dingin a si kho ti lo tiah a ti. Mah caan lio ah khan a mah nih Abaraham tiah theihternak a tuah tik poh ah, midang nih cun mihrut ah an rel men lai.’
Cun Genesisi 2:26 ah kan hmuh mi cu Gerar khua ah mangttam a tlun lio I philh khawh lo mi kong a si. Pathian nih Isak kha ‘khoika hmanh ah kal hlah, hi ka hmunte ah um ko’ tiah a chimh. “..cu ram ahcun Isak nih thlaici a tuh I cu kum ah cun a tuh mi thlaici a let zakhat in a zun; cucu Bawipa nih thluachuah a pek ca ah a si. A tthangcho chin lengmang I mirum ngaingai ah a cang. Tuurun tampi le cawrun tampi le sal tampi a ngeih hna caah Filistin mi nih khan an nahchuah.” Hihi mangttam a tlun lio cuahmah ah a si. Isak cu a hlawh a tling ngaingai I, hmai ah a fong ching lengmang, cun a rum ngaingai. Zicatiahcun Pathian lamhruainak le cawnpiaknak kha a lak caah a si. Pathian nih minung hmuhning in a hmu lo I, minung theih ning zong in a thei lo. Anih a ruah dan cu ai dang. A bia le a ruahdan  hi vawlei cung mi ruahnak he ai lo lo kho men. A ruang cu Anih cu hi vawlei phung ning in a kal lo caah a si. Isak bantuk in na nunnak kha rocar ngaiin ka um tiah nai ruat kho men. Na chawletnak a tla in na phaisa zong sunghzatlak na tong kho men. Pathian nih a tu theihter an duhmi cu, a tu lio na umnak zawnte ah khan hlawtling mi na si kho ko a ti. Asilole zawtnak in na pumchung ah ral na doh a si kho men, Pathian nih a hmuh ning ahcun mizaw si loin Pathian damtermi na si cang. Hi biatak hi cohlang law, na damnak kong kha ngol loin phuang ko.

Cun Abaraham cung ah a rak tlun bantuk khan, fa ngeih ding ah harnakna tongmen lai; Siibawi hna nih fa na ngei kho lailo an in ti men lai. Pathian nih a hmuh ning le a chim mi cu nang cu na cing lo. “nan ram chung ah a hohmanh nau rawk nan um lai lo I fa ngei loin a ummi nan um lai lo, chan sau pipi kan nunter hna lai..”(Exo. 23:26). Hi biatak hi na lungchung ah khumhlaw Abaraham bantuk in mithi a thawhter kho tu Pathian kha zum ko. Cun thil umtuning pawl kha a rak si tawn lo ning khan au cang hna.
Thil na tuaktan dan hi Pathian ruahnak he ai khat in chia. Pathian he cun a si kho lo mi a um lo I, a ri rinpiakmi zong a um lo. Cu bantuk ruahnak cu nihin le a zungzal in ngeihter an duh mi cu a si.