Mifim hna nih Carel nak kong he pehtlaiin an chim mi Bia

Mifim hna nih Carel nak kong he pehtlaiin an chim mi Bia

**Carel tlaihchan hi laksawng ropui a si (C.S. Lewis)

**Cațialtu nihcun cauk a thawknak a tuah men, adihtertu cu careltu a si(Samuel Johnson)

**Cauk pakhat cu na rel laklawh ruang ah rel peh hlah.(John Witherspoon)

**Cauk zuarnak dawr cu minung hna hi khua an ruat rih ko ti langhtertu umchun a si. (Jerrry Seinfield)

**Kanmah lawng kan si lo zia thei kho ding in ca kan rel. (C.S. Lewis)

**Zeitluk hmanh in buai le manh lo si ko hmanh law carelnak caan cu  hawl in ca na rel hrimhrim a herh, cu lo ahcun nangmah te nih nai thim mi luhlulnak ah na lut deuhdeuh tinak a si. (Confucius)

**Nafa nih vawleicung a țawl khawh nakhnga lam tampi a um ko, cu hna lak ahcun cauk duhnak hi lam țhabik a si. (Jacqueline Kennedy)

**Tuchun ah careltu thaizing ah hruaitu (Margaret Fuller & W. Fusselman)

**Rel hrim awk cauk he ka hong chuak i zeitikhmanhah ka dih kho lai lo. (Mauk Casey)

**Hawikom țha pakhat na thim bantukin cațialtu zong thim ve. (Sir Christopher Wren)

**Cauk țha taktak cu no lio ah rel sihlaw, puitlin hnu ah relțhan in le tar hnu ah voikhat nolh țhan sehlaw a țha, Inn țha pakhat cu zinglei khuavang, chunlai le thlapa vang i zoh a dawh bantukin. (Robertson Davies)

**Nun dan  țha he nung kho ding in a hram pakhat cu carel hi a si. (Mortimer Adler)

**Hngakchia pakhat nun ca ah cauk aiawh kho tu a um lo. (May Ellen Chase)

**Minung pakhat cu a rel mi cauk zoh in theih khawh a si. (Ralp Waldo Emerson)

** Mipakhat nih ca hi ahuamnak nih a hruai chung lawng rel sehlaw a țha, zeicahtiah țuanvo pakhat bantukin a reltu caahcun hlawhnak tlawmpal te lawng a chuahpi lai..(Samuel Johnson)