Cengkeuhlungvar Sangphawlawng dinhnak hmun pi cu kap ding in ai thawh mi Japan thli lei ralbawi pa

Cengkeuhlungvar Sangphawlawng dinhnak hmun pi cu kap ding in ai thawh mi  Japan thli lei ralbawi pa

Cengkeuhlungvar Sangphawlawng dinhnak hmun pi cu kap ding in ai thawh mi  Japan thli lei ralbawi pa cu..ai tinh mi a tuah dih hnu kum kua hnu ah a pianthar nak kong hi ti hin a chim...

" April 14, 1950 hi ka nun chung ah philh awk țhalo a nihnihnak a sunglawi tuk mi ni a si. Cu ni sunglawi ah cun mithar ah kai thleng. A hlan i ka rak huat tukmi le ka rak hnawn peng mi Jesuh Khrih thawng in ka nun dihlak ah thil ka hmuh ning vialte cu ai thleng. Jesuh Khrih hnuzul siding in ka biachahnak cu ka chungkhar naihniam le hawi le zong nih an van theihthiam ve colh.  -Mitsuo Fuchida.

 Aliamcia kum 75 lio ah khan Japan thli ralbawi vanlawngmawngtu Mitsuo Fuchida  nih cun a kut tang pawl i hruai riangmang in Cengkeuhlungvar Sangphawlawng dinh nak(pearl Harbor) hmun i a ummi American pawl cu lungmit dihlak in December 7,1941ah khan a tuk hna i cu ti cun America zong cu vawlei ralpi pahnih nak ah a hnuh ve colh.

Asinain kum tlawmpal liam hnu ah a nunnak cu khuaruahhar ngaiin ai thleng. Ai thlen ning cang cu Japan thonginn ah a tla mi ral lio i a ral a simi, American mi Jacob Deshazer nih a sining a chim mi ruang ah a si. Jacob Deshazer hi Japan pawl nih an tlaih mi pa a si.

DeShazer nihhin Japanese pawl hi a hua luakchuak hna i April 1942 ah cun ral tuknak vanlawng cu i cit in Tokyo le a dang khuapi hna cu bomb va thlak awk ah ai thawh.

Vanchiat ah kan ti lai maw DeShazer vanlawng cu  a si dih, vanlawng ciankuan lo ruang ah cuticun Japan nih cun an tlaih i thong ah an thlak. Thla 40 chung an hrem, an tuk, harsatnak phunphun an pek. Nilhat cu  DeShazer nih cun thongbawi pa cu Bivle a na ka pe kho hnga maw tiah a hal..Bible cu a rak pek. Cu ticun Jesuh khrih ah an hmuh fiannak cu a si. (Photo: Fuchida le DeShazer)

"Pathian nih Thiang Thlarau mit thar a ka pek rua tiah ka ruah, zeicahtiah ka ral  a ka hrem cuahmah tu hna cu ka zoh hna tik ah hua loin zangfah dawtnak mit he ka zoh hna...kai fian mi cu hi hna pawl nihhin a ka khamhtu kong hi an i fiang va si kaw ti hi a si" DeShazer.

  Ral dih hnu ah DeShazer cu missionary pakhat bantuk in Japan ah cun a ra țhan, cu ti cun Mitsuo Fuchida he tong a nunnak tan in lawmhnak a ngei, Fuchida cu Pathian lei ah a hruai khawh..apaingthar.

Ref: CCTV