Zeinihdah Pathian a kan țihter?

 

Zeinihdah Pathian a kan țihter (What motives causes us to fear God)

1. Pathian thiannak (The holiness of God)

Pathian țih dingin minung lungthin adiltu cu Amah Pathian thiannak asi. Thiannak kalhin Pathian țih khawh asilo. Biathlam 15:4 "Bawipa, ahodah nangmah ṭih loin a um ngam lai? Na lianngannak chim duh loin ahodah a um lai? Nangmah lawng a thiangmi na si. Miphun vialte nih na hmaiah an ra lai i an in biak lai, Thil ding na tuahmi kha mi vialte nih hmuh a si caah,” an ti. "

2. A lianhngannak (The greatness of God)

Pathian lianhngannak nih Amah țih dingin zumtu dihlak a kan fial. Deuteronomi 10:12 "“Kha! Israel, Bawipa na Pathian nih an fialmi cu zeidang si loin, Bawipa na Pathian ṭțih le,.....cang 17 tiang.

3. A țhatnak(The goodneas of God)

Pathian țhatnak nih A mah țih a kan fial. Mirum pawl hmanh kan țih, kan upat ahcun Pathian tlukin kan cungah dawtnak a neitu an um lo caah kan țih awk hrimhrim asi. 1 Samuel 12:24 "Bawipa cu a ṭțih bel ṭțih ko u law, nan lungthin dihlak in a rian kha zumhawktlak tein ṭțuan ko u; zeitintiah nan ca i thil lianngan a tuahmi kha ruat tuah hna u. "

4. Pathian ngaihthiamnak (The forgiveness of God)

Kan sualnak vialte Jesuh Khrih ah a kan ngaihthiam caah Pathian cu țih tlak hrimhrim asi. Kan sual a kan ngaithiam lotu upa, kan cung i nawl neitu pawl hmanh kan țih hna ahcun kan sualnak vialte a kan ngaithiam tu Pathian cu kan nunnak dihlakin țih, zah le upat ding kan si. Salm 130:4 "Sihmanhsehlaw nangmah nih kan sualnak cu na kan ngaihthiam, cucaah nangmah cu kan in hmaizah. "

5. Pathian khuaruahhar thiltuah (The wondrous work of God)

Pathian thilkhuaruahhar tuah mi a hmutu le a theitu nihcun zeitin dah Amah țih loin a um khawh lai. Thil khuaruahhar a tuahmi nih Amah țih a kan fial. Joshua 4:23-24 "Bawipa nan Pathian nih kan tan dih hlantiang kan caah a cartermi Rili Sen cungah a tuah bang khan, Jordan tiva ti cu nan tan dih hlantiang a carter, " "zeitintiah vawlei cung mi vialte nih Bawipa kut cu a ṭhawng ti kha an hngalh nakhnga le Bawipa nan Pathian cu zungzal in nan ṭțih nakhnga,” tiah a ti. "

6. A ra lai mi Biaceihnak (The coming judgment)

Hmailei ah Pathian biaceihnak umlo sehlaw zumtu tampi cu kan daithlang tuk la. A um bu hmanhin kan daithlangtuk. Asinain, hmailei ah a si te lai dingmi Pathian biaceihnak nih zumtu dihlak Pathian țihzah a kan forhfial. Biathlam 14:7 "Aw thang piin, “Pathian kha ṭțih u law a lianhngannak kha thangṭțhat u. Zeicahtiah amah nih minung vialte bia a ceih hna lai caan kha a phan cang. Van le vawlei le rili le tiput a sertu kha bia u,” a ti. "