Lamtluan ti tik ah a ding tuk ding mi ko khi a lo. Nunnak lamtluan
kan ti tik ah a ding mi a lo lem ti lo. Asi nunnak lamtluan hi a ding hrimhrim
lo.
Ka lung fim deuh hnu ahhin ka nun lamtluan ding tein a um ka thei
rih lo. Asinain pakhat a um mi cu Pathian ah nai lawmh ah cun zeizong te hi an
buaiter kho tu pakhat hmanh an um lo. Pathian bia he naih tein kan um a herh
hringhran ko. Kan pawngkam thilhna nih hin lunglawmhnak an kan pe kho hrim hrim
lo.
Misial cia mi lam zawh hmanh ah a har kan ti lio ah mah tein lam i
sial chawm ding cu ruah ngam a si lo.
“Țihnak nih hin kan hlawhtlinak lam a kan
kham.
Hnangamnak nih hin vansang in a kan um ter.
Harsatnak hna hi lawmhnak chuahpi tu an si.” VANVA.
Hnangamnak nih hin vansang in a kan um ter.
Harsatnak hna hi lawmhnak chuahpi tu an si.” VANVA.
Cucaah harsatnak na ton le cang ka țha tein tuar khawh i zuam. Tei
khawh i zuam. Na hrial ah cun lawmhnak na hmu kho lai lo.
Kan lamtluan hi a ding lo. Sihmanhsehlaw țih hlah..na țih ah cun
na țhangcho kho lai lo. Na hmai um mi kha tei khawh i zuam.
tch: Lo thlawh, ekrut zong a si ko lai..
Pathian nih ka hmai ah ka țuan ding ah a chiah mi si tiin țha tein
țuan ko..Pathian nih na ca ah thil țha hnem ah an tuah piak lai..cun cawnnak
pakhat na dih tinak a si lai. Kan lamtluan hi kan mah tein ralțha ngai in sial
hna usih..midang nih an kan sial piak khawh lo ca ah. Zei tik hmanh ah ding
tein kan Lai tlang ah lam na tuah kho lai lo cu bantuk in na nun lamtluan kha
ding tein na tuah khawh lai lo ca ah..na hmai ah lung maw, tlang maw, hawrkuang
zongum ko hmanh seh..hrial lo in na Lam cu sial ko.
