 |
| Hakha |
Kan Chan hi a ttha maw?
Kan Chan hi a țha maw, țhalo cu a ho poh nih a țhalo kan ti men
hnga. Asinain kan ram ca tu ahcun kan ram țhat ahcun kan ti. Hlanchan kan ti ko
lai, a liam cia kum 2000 in 2010 tiang ah khan zei huaha kan si lo kha aw, kha
lio nak cun a tu cu a țha deuh lo maw ti ruahnak a chuak.
Kan chan te hi chan țhangcho a si tiah kan ti khawh. Asinain khat
lei ahcun technology a san tuk cang ruangah thil cinthlak mi tiangin a rim an
nam i, an hmang tangkai hna..Kan nih tu cu technology lei ahcun kan niam ko
rih. Vawlei mit in kan cuanh tik ah kan chan te hi a țhangcho in a hman zia kan
thiam nak ding caah biatak chuah a hau.
Thlarau mit in cun a chia deuhdeuh zeicahtiah kan lungthin umnak
cu pei hi vawlei cung lawng ah a si cang cu. Zumtu tampi umnak ah Pathian bia
ceihhmai le Pathian țhat zia chim nakin ramkhel kong le a dang dang hrawng
ceihhmai a tam cang. Chan thar ah thil phun tampi a hong chuak i cu hna cu a
kan tluk tertu men an si. A kan țhathnem nak in..a kan hrawk tu an si. Asi
ahcun kan chan hi minung nihhin a hmanzia kan thiam lo tinak a si ko lo maw?
Thil hi a hmanzia thiam hi a biapi tuk. Kan ram zong hi a hman zia kan thiam cun
kan ca lawng hmanh si loin midang ca zong ah a țha hnem hrim lai. Iralring hna
usih zum tu,, a hmanzia kan thiam ti lo mi chan ahhin lungfim tein hakkau lo
tein Pathian bia tu kha kan lungthin in thei hna usih. Cu lo cun mu Pathian a
um lo ti tu na si sual lai.
Kan miphun nih midingfel a hrin khawh ti lo hmanh hi i ruah awk cu
kan si. Kan chan tiluan hi kan sinak tein dawi hna usih. Cu nihcun mitampi a
kan țhathnem pi lai. Chan hman thiam zong a si. Teimak le dingfel buin Pathian
țihzah hi kan Laimi ca ah lam umchun a si. Furpi tilian bantuk a si mi chan ti
luan hi na hmang thiam maw? Or na sinak te in na hmang maw?
