Amercan President hlun pakhat i nupi Betty Ford ruak vui nak ah a fap Steven Ford nih hi ti hin bia a chim "Ka nu cu duhdawtnak ngeitu le mi hnemthiam tu a si. A liamcia kum 19 lio ah khan Zu he ai ciah mi ka si. Ka nu nih laksawng ngan pi pakhat a ka pek mi cu Pathian sin ah zeitindah kai ap khawh lai, a zangfahnak zei tin dah ka co khawh lai ti hi a si. Fapa sual a pa ttang cung a rak kir tthan mi bang in ka nu ttang c'ng ah kir tthan in Pathian dawtnak cu ka theithiam. Cucu laksawng nganbik cu a si" tiah a ti.
Kan Bawipa Jesuh Khrih nih a chimmi fapa sual tahchunhnak ah a pa sin in a co ding mi rothil cu la riangmang in a duh ning in nunnuamhnak ah a va hman dih hnu ah lungchirnak he a pa sin ah a rak kir tthan mi a fapa cung ah a pa nih a rak leh ning nihhin kan khuaruah a ahr ter ko." Lam hlat deuh in a rat lio kha a pa nihcun inn in a hei hmuh, a zangfah tuk caah a kuh i a hnamh" (Luke 5:20).Nun rak chimh le siik nak in a duhdawtnak langhternak caah buai tu a tuah piak. "Ka fap hi a thi cang nain a tho tthan, a tlau nain ka hmuh tthan" tiah a ti.
Steven Ford nih cun hi ti hin a bia a donghter "ka nu kai lawm, Pathian dawtnak he na ka dawt ruang ah, na pasal na dawt ruang ah, na fale na kan dawt ruang ah, miphun na dawt ruang ah" tiin. Pathian nih hin a duhdawtnak hi a sin ah a ra tu pohpoh sin ah a rak langhter, a za a chanh hna, cu bantukin midang cung ah dawtnak kutza chantu kan si ve naklai thazang petu sihramseh. - David McCasland
0 comments:
Post a Comment