Kan hrawm a fah tikah zei bantuk tirawl dah kan ei awk a si

Kan hrawm a fah tikah zei bantuk tirawl dah kan ei awk a si

A tu lio ah Laitlang lei cu vawlei a khu tuk i, micheu cu an hrawn a fak, an aw a chuak kho lo. Rawl ei tikah dolh a har tuk i buaibainak a tong mi tampi an um. Kan hrawm a fah tikah zeitindah kan um lai i, zeitindah kan i thlop bul lai timi  theih hi  aherh ngai mi a si. I raltin thiam, ningcang hman tein umnak nih hrawmfahnak cu a dam ter khawh zau tawn.

A tu ah kan hrawm a fah tikah zeibantuk tirawl dah kan ei awk a si, zeitindah kan tuah awk a si timi tlawmpal tein langhter a si lai.

Theitlai hang (juice) pakhat khat hi hrawmfah damter kho tu lakah pakhat a si ve. Vitamin ca zong ah, zawtnak dang rak kha kho tu zong an si. Caleti hang tibantuk hna zong khi zawtnak a kham kho tu a si tiah research an tuahnak ah an hmuh mi a si. cu lawng hlah a dang tampi a um rih ko. Cu hna lah ahcun Banhla ei zong ai tel ve, kan hrawm a fak lio ah banhla nemte ei piak khawh ahcun a ttha, na ei khawh lo hrat ahcun ei duh hlah. Cun Arsa huut hang hi a ttha taktak, kan Laimi tampi nihcun kan hman ngai mi a si ko. Khuaitizu, aithing, Lakphak ti (amah lakphak hnah hang khi), cawhnuk thur (dingchi), cun ttha tein le hmin tein chumh mi tisik aanhnah einak zong in hrawmfah a dam ter khawh.

ref: 7daydaily