Na Thlarau ca Rawl

Na Thlarau ca Rawl

Tuanbia tete le thinlung a tawngmi biariak tete in a khat mi Chicken Soup for the soul(Thlarua caah arsa sup hang) cauk cu luklak ah zuar khawh cemmi a si. cucu khuaruahhar a phu lo. Phawcuang min “Arsa Hang” te nih khan ngakchiat lio caan kan hnaptawh le kan aw cher bu in kan tlonlen caan, kan nu le nih an kan pekmi phuanlum le a sa hlutmat mi arsa le facang hang lawng nih cu zawtnak a damh khawh lio caan te kha a kan theihter.

Kan nu le hi an rak fim hrim ko tiah science lei in an tuak. Arsa hang cu cumpi caah a ttha taktak. A cheu nih “hngangatertu rawl” tiah an ti fawn. Ka lung a fah tikah Pathian nih a kan hramhnak bia kha ka ngai tawn, hramhnak bia; “amah nih an zohkhenh hna caah nan lungretheihnak vialte kha amah cung ah chia dih ko u” (1Peter 5:7). Kan lung hna a kan ngamtertu bia, “ a kan dawtnak he cun zeihmanh nih a kan tthen kho lai lo. Kan Bawipa Jesuh Khrih thawng in kan ta a simi Pathian dawtnak he a kan tthen kotu ding cu semit thil dihlak ah hin zeihmanh a um lo” (Rom 8:38-39).

Vawleicung ah zuar khawh bikmi cauk, Bible cu biakamnak, theihter tthannak, zuamcawhnak le Pathian kong in a khat. Na tha a chiat tikah na thazang a simi Pathian bia arsa hang kha keu nganpi in suak law ding tuah. Bible nih na chung a phanh, a siloah Bible bia cu na banh khawhnak hmun i na chiah ahcun na caah an tthawntertu na nu arsa hang kheng a si ko lai. Na lungthin kha a lumh lai i damnak na hmuh colh lai. – Cindy Hess Kasper.

Pathian bia cu damnak, hnangamnak thazang, na herhi airawltu, na thlarau car awl; na dihmi vialte ca thazang na laknak Pathian tthanak cu na damnak hnga tep tuah.- Hess.

Na lung kha Pathian bia in na khahter ahcun Amah nih thlarua damnak kha a run in pek lai.

Nifatin Thlarau Rawl