A chung a lut duh lo

A chung a lut duh lo

Theology a thiammi cheukhat nih sual palhnak hi “pumsa sualnak” le “thlarau sualnak” tiin phun hnih ah an tthen. A sullam cu sualnak hi pumsa duhnak in ai thawk; a dang vialte cu kan “lung” in a siloah, thinlung umtu cung ah a um an ti. Fapa tlau tuanbia chung ah a hnu deuh i kan chimmi thinlung umtu kong kha, fa upa ziaza cungah kan hmuh khawh.

Unau pahnih lakah fapa tlau hi mitthalo deuh ah kan ruah ngawt. Asinain tuanbia a donghnak lei ah cun fapa tlau kha chungkhar chungah cohlan a si i lunglawmhnak in a khat. A upa tu kha khualeng ah a um i innchung luh duh lo in a ummi a si.

Inn i a rak um pa kong hi tuanbia a tlinnak ca i telh menmen mi a si lo. Kan thinlung umtuning a kan theihtertu a si. Zeitindah thinchiat nih harnak tampi a chuahpi ti kan hngalh. Lungtlin lonak, nahchuahnak, ngaihchiatnak, huatnak, i phuhrunnak, mi rem lonak, mi dawtnak zei i relpiak lonak tehna lungput nih nu le fa a tthen, ngakchia a hrawh hna, hawikom a tthen dih i kan nunnak a chiatter.

Rawhralnak lam a panh mi ziaza chung ah kan luh sual nakhnga lo kan thinlung cawngh cu a hau ko. Cu bantuk a phanh cangka kan palhnak kha phuan le hlawt in Pathian ngaihthiamnak hmuh cu kan herhmi a si.

Midang an i lawmh lioah, na umtu nih harnak in pe hlahseh. – David Roper.

Thinghannak nih an zelh tikah na ruah, na tuahmi a hrawh dih. Zumhnak in Pathian dawtnak nih na thinlung a tthat/tthawnter.-D.De Haan

Thinhannak cu midang zohnak cung in a chuak; lungtlinnak cu Pathian sin zohnak in kan hmuh.

Nifatin Thlarau Rawl