Jack Ma : Phaisa hmannak ding caan ka ngei lo
China ram mirum cem a si mi Jack Ma nih “ ka phaisa hman nak
caan ka ngeilo” tiah a chim tiin Time nih a ttial.
Alibaba CEO pakhat a si mi Jack Ma hi China ram ah a rum cem
a si. A biachim mi pakhat cu “mirum tuk si bu zong hin tlaknak nganpi a um kho”
tiah a chim.
Biafaifim tampi a chim tawn mi na rel bal ko lai. Sifak tein
mirum pakhat ah a rak kai mi a si. a
khuaruahnak hrimhrim hi a fimvar taktak.
Bloomberg nih interview an tuah nak ah a chimmi cu “Ka phaisa
hmannak caan ka ngei lo” tiah a chim. A ngeih mi hi $46.6 billion a si. Kum
thok ka ah khan $13.3 tluk bak Alibaba Group stock a kai tiah theih a si.
“ mipi hna nih Jack phaisa hi cozah nak in ttha deuh in na hman khawh. Midang nak zong in, zeitindah phaisa hi ttha tein na hman khawh”
tiah an ti. A leh mi hna cu “Phaisa zeizat ko dah na nun chung ah na hman
khawh” tiah a leh hna.
Jack Ma nih hin a company phaisa ngeih zat cu a liamcia lio
ah khan a rak chim. Alibaba company cu $392.7 billion tluk hi a man a si i, a
tangka fang bak in $21.4 billion a ngeih. Cun Snapchat, Lyft le China ram a
sang bik mi tech lei pawl zong ah investment a tuah.
Ref: TIME
