Lungretheih, vansan caan ah
Filipi 4:6-7 Zeithil kong hmanh ah lungrethei in um hlah u. Thla nan camnak ah Bawipa cu nan herhmi kha hal u law nan hal tikah lunglawm tein hal zungzal u. "Cun Pathian daihnak, minung hngalhnak a lonhtu nih cun, Khrih Jesuh chungah nan lungthin le nan ruahnak cu him tein a chiah lai. "
Filipi 4:19 Cun Khrih Jesuh chungah zeizong vialte tlamtling tein a ngeimi ka Pathian nih nan herhmi vialte cu an pek hna lai.
Luka 10:41-42 "Bawipa nih cun a leh i, “Martha, Martha, thil tam tuk kong ah na lungre a thei i na ing a puang, " "sihmanhsehlaw a herh taktakmi cu pakhat lawng a si ko. Mary nih ahmaanmi thil cu aa thim cang i cucu ahohmanh nih an chut lai lo,” tiah a ti."
Jeremiah 17:8 "Amah cu tikam phunmi thingkung bantuk, tiva kam i hram a zammi bantuk a si. Vaupi ni a chuah tikah, ṭih awk zeihmanh a ngei lo, A hnah cu hring dildel in an um zungzal ko. Khuakhen kum a tlun tikah a zei a poi lo i a thei zong a dong lo. "
Salm 9:9-10 Hremnak a ingmi hna caah Bawipa cu himnak hmun a si i harnak caan ah ralhruang fek a si. "Maw Bawipa, nangmah an hngalmi nih cun an in bochan lai, nangmah sinah a rami cu ahohmanh na dawn bal hna lo. "
Salm 32:7 "Nangmah cu kaa thuhnak hmun na si, harnak chungin na ka khamh lai. Nangmah nih na ka huhphenh caah fak piin na khamhnak cu "
Salm 46:1-5 "Pathian cu kan i dornak le kan thazang a si, harnak caan ah a kan bawm zungzaltu a si. " Cucaah cun vawlei cu i hnin in tlang cu rili chungah tla hna hmanh seh law ka thin a phang lai lo; "rili tilet cu tho in awn hmanh seh, tlang zong i hnin dih hna hmanh seh law ka thin a phang lai lo. " "Pathian khua, Cung Nung Bik Pathian inn thiang ah lawmhnak a ratpitu tiva pakhat a um. " Pathian cu khuapi chungah cun a um i zeihmanh nih a hrawk bal lai lo; zingka tein amah bawmh awkah a ra lai.
Salm 91:9-10 Bawipa cu chanhtu ah naa ser i Cungnung Bik cu hupphengtu ah naa ser caah harnak zeihmanh nih an tlunhnawh kho lai lo i vanchiatnak zeihmanh na inn a phan lai lo.
Isaiah 32:17 Mi kip nih a dingmi thil kha an tuah cio caah daihnak le himnak zungzal in a um lai.
2 Korin 4:8-9 "Khatlei khatlei in an kan rial dip lengmang, sihmanhsehlaw kan kek ngaingai bal lo; lungawṭțawm in kan um tawn, sihmanhsehlaw kan hnabei a dong bal lo; " "ral tampi kan ngei, sihmanhsehlaw hawi pakhat loin kan um bal lo; cei tein an kan ṭhuat tawn, sihmanhsehlaw kan thi taktak bal lo. "
Rom Cakuat 8:28 "Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna ti kha kan hngalh. "
