Thawchuahhnawhmi Cauk Hmelchunhnak
(The symbols of the inspired book)
A. Nam bantuk (like a Sword)
Greek in 'phomphaia le machaira' tiin pahnih in a lang. Machaira hi Heb. 4:12 ah hman a si. Pakhatnak deuh hi nunchimhnak le hremnak ah hman a si. Macharia i a sullam cu 'namtawi, kaphnihharnam' tinak a si.
B. Sobul bantuk (like a Hammer)
Pathianbia cu huham a nei i a thetu pawl lunghak cu a den dih, a khuai dih hna.Jeremiah 23:29 Ka bia cu mei bantuk i kangh hmang a si lo mei? Lungpi a cheutu sobul bantuk a si lo mei?
C. Thlaici bantuk (like a Seed)
Hi ka i thlaici cu Greek in 'spora' a si i ,a sullam cu 'te le fa (offspring)' tinak a si.1 Peter 1:23 .(kjv)
D. Thlalang bantuk (like a Mirror)
Hi ka i Thlalang hi Greek in 'esoptron' ti a s, a sullam cu 'pekțhanmi, bawmhnakpekmi' tinak a si. Jeim 1:25 "Sihmanhsehlaw mi a luattertu nawlbia tling chungah ṭha tein aa bih i cucu a ruat peng i, a theihmi kha philh loin a tuahmipa cu Pathian nih a tuahnak ah lawmhnak a pek. "
E. Mei bantuk (like a Fire)
Greek ah 'pur' ti a si, a sullam cu 'mei chungah chiah,khangh, kanghter' tinak a si.Jeremiah 23:29 Ka bia cu mei bantuk i kangh hmang a si lo mei? Lungpi a cheutu sobul bantuk a si lo mei?Jeremiah 20:9 "Bawipa kong cu ka lung chungah ka riahter ti lai lo i A min zongin bia ka chim ti lai lo, ka ti ah, A bia cu ka lung chungah hin mei bantukin a alh i ka ruh chungah hin mei linh bantukin aa khumh. Ka chung i tlaih peng kha ka celh ti lo i chuak loin ka tlai kho hrim ti lo. " Pathiam Bia cu mi a khawlh, taksa thlarau ah ahnawm mi a thianh dih hna.
F. Meiin bantuk (like a Lamp)
Greek in 'amnos' cu 'meiin' tiah ti a si.Jesuh Khrih can ai ah hman a si (john1:29,36).Salm 119:105 "Na bia cu ka ke caah meiinn a si, ka lam ah ceunak a si. "
G. Hnuk bantuk (like a Milk)
Greek in 'gala' a si i Lai holh in 'Hnuk' tiin leh khawh a si., 1Cor.9:7 kan zoh ahcun hnuk ah a hman. 1Cor. 3:2; Heb. 5:12,13; 2Pet.2:2 pawl ahcun Thlaraulei cawmnak ah a hman. Bible cu cawmtu hnukhang a si.
H. Rawl bantuk (like a Meal)
Greek in 'broma' cu 'rawl' tinak a si. Rawl hak caah hman a si.
I. Khuaitizu bantuk (like a Honey)
Khuaitizu cu Greek in 'Meli' a si. Matrhew 3:4; Mark 1:6; Rev. 10:9-10 pawl ah kan hmuh. A thlumnak tahchunhnak ah hman a si.
