Karen ramkulh, Hlaing Buai peng, Kuan Taw khua St. Mark Anglican biakinn compound chung April 23, 2016 ah Buddhist pawl in Pura an sak.
An saknak hmun cu St. Mark Anglican biakinn compound thirhling kulh chung ah a si. Khrihfabu tuanvo ngeitu nih pura sak lo ding in an nawl len ko hna nain thirhling kulhnak cu bauh riangmang in Buddhist minung 500 hrawng nih zarhte ni, April 23, zinglei in pura an sak.
Zing in dinloin an sak i zaan nazi 8:45 ah Pura zim an dih. Pura zim cawi mawi (ထီးတင္) an tuah. Pura zim cawi mawinak ah Mainggyi-ngu Sayadaw in an tel pi hna tiah theih a si.
Hi Pura cu zaan ah dinloin an sak cuahmah ko lai, Zinglei nazi 4:00 ah dih an tim
Pura sak dingin a hotu Mainggyi-ngu Sayadaw cu DKBA i tuanvo neitu nih zeiruang ah dah Khrihfa compound chungah Pura nan sak tiah a hal tikah, “Buddhist le Khrihfa lak remdiahnak um ding ti nan duh a si lo maw? Rem tein um kho dingin naih tein kan um ti duhnak a si ko,” tiah a ti.
Ni kum September thla Mesitha Karen Baptist Church kulhchung zong ah pura an sak balcang..
0 comments:
Post a Comment