Hi vawlei cung ah kut ngei loin a chuak mi Chinese nu te cu Utah, USA um nupa hna nih an fa bantuk in an i cawm. Mirhsirsiar tein duhnung tuk mi nute cu a nunnak ah ruahchannak um lo ti tluk i ruah mi a rak si ve. A chan cu a kut a umlo ruang ah a si.
Sophi Green hi kum hnih te a si lio ah a nu le pa nih an rak hlonh, achan cu kut ngei loin a chuah ruang ah le a vorhlei ke a hmet deuh ruang ah a si. Asinain Christianne le Jeremy nih 2010 kum ah khan China ram i um cu fa ah an i cawm.
Zohtik ah zangfakza arak si mi Sophi cu a hawinu le pawl hna zong nih Sophi cu mibang in a ding a ei kho i nifatin kan tuah mi bang a ke hnih te cun a tuah khawh dih ti hi thuh awk țhalo a si.
"Sophi nih hin ake hmang in hawisining hi lam a phunphun in ai zuam ve, hmanhthlak rawng a thuh, a suai, a ha a rawt, a sam ai hriat kho ve cang" tiah a pa nih i uang ngai in media pawl cu a chimh hna.
Milung țhawng, tumruh nu te Sophi nih ai hruh zungzal mi pakhat cu panhsirsiar tein a mirh hi a si. Pumtlamtling lo te si ko hmanh sehlaw, mi nihsawh ding in a um lo.
A upa sin ah lam siseh, piono siseh a cawng tawn. "ka caah a harbik tiah ka ruah mi cu kei mah le mah i ruanter hi a si" tiah Sophi nih cun a chim. Asinain a harnak vialte cu philh dih in lunglawm ngai in a lam khawh zia zong a langh ter rih.
"A tu na si nak kha a donghnak a si lo."
Ref:CCTV
0 comments:
Post a Comment