Kan zeizawn hi dah kan i dawhnak a si?

Kan i dawhnak hi kan zei hi dah a si hnga? Voikhat cu Kedenboot thar te ai dawh ngai mi man fak nawn in kai cawk. Kan in kam nu nih leng ka chuah lai hi a ka hmuh tawn....kei mah ka chawnh hmasa tawn i ka leng tawn. Asinain cu zing cu Keden thar te he cun ka chuak in a ka hmuh bak in ai tuzing cu nai dawh ning a ka ti, ka leh mi cu ka keden pei ai dawh ko cu..kei mah ka si lo ka ti. Ni dang vial ah nai dawh ning a ka ti bal lo. Keden thar kai denh lawng ah nai dawh ning a ka ti. Chim duh mi cu kan zei hi dah kan i dawh nak si nga? Ka hnipuan țhațha hi maw? Ka sam umtuning hi maw? Kan thilri hna hi maw? Asiloah, kan cathiam nak hi maw? Careltu na zei kha dah nai dawhnak a si. Na inn le lo khi maw? Asilo ah Bible na rel i thla na camnak kha maw si hnga? Biatak tein i ruat hna usih. Mi lak ah dawhtuk in kan i ruahnak zawn khi...kan mui chiat biknak tiah kan ruah mi a rak si kho ko.

Kan i dawhnak hi kan lenglang men ah kan ruah tawn. A hman ngai mi a lo ko nain fihnung za dawhnak a si tawn. Ngaknu pakhat cu ai dawh hringhran. A taksa a no i duhnung za a si ko. Sihmanhsehlaw cu vialte cu ai dawhnak taktak a si le si lo cu a hawikom, asiloah a pasal nih a theih bik lai.
Kan leng lang dawhnak hna hi cu voikhat te van zoh duak nak ding ca lawng an si. Asinain a taktak in kan i dawh nak cu a leng in hmuh a har ngai, a tak in nun ah a lang. Cucu lungthin muril in ai sem mi dawhnak taktak cu a si. Nupi ka ngei cang i kan nu ai dawhnak hi a muisam a si hrim ti lo, ka zoh ahhin a mui dawhnak ka hmu lo i a ziaza lawng ka hmuh. Kan i dawhnak hi kan ziaza ah hin a rak um. Cucu minung hmai lawng ah si loin Pathian hmai hrimhrim ah a si.

Lenglei nun tu khuasak nak ah nai dawh lawng kha a za lo, chung muril in nai dawh nak kha na langhter awk a si. Micheu cu kan chung muril kan mui chiat nak hna khi kan thut khawh ngai, cucu nungak tlanval lio ah kan thuh khawh bik. Nupi pasal nei rih lo nan um cun i ral ring uh, lenglang ah ai dawh minai thum sual ah cun...pathlawi si ding lawng a tang ko, cu lo ah cun nih buin țah lawng na hmabak, i țhen ding ka ti nak si lo,,,, nai chir ning ding khi chimh kan duh bia a si.