Laimi kan ruahnak a niam deuh lio caan a si. Hi lio ahhin nu siangin kai an rak um lo. An kai khawh lo ruang cu a si lai ka zum lo. Pakhat a um mi nu le pa tampi nih cun fanu le sianginn kai hau lo ti lingput an rak ngeih ruang ah a si cem ko. An rak sianh hna lo. A phung ah an rak ruat lo.
Zei ruang ah dah an kai ter hna lo ti hi..hlathlai tik ah a ruang biapi deuh hi hmuh ding a um lemlo, an Saya te vuak ruang ah Sianginn kai an sianglo tbk..
Lo tuah duh ah an rak sianh hna lo tbk...
Cun siangin kai ding hi kan rak zenh tuk tiah ka Pi nih a rak ti tawn. Siangin kai ding hin Khua upa mifim deuh nih an rak fial hna kai ter hna uh a nehhnu ah nan mah ca tiang ah a țha tiah an rak chimh tawn hna..cu bu cun an duh hlei lo...
Hi hlan ah kan Lai mi siangin kai hmasa hna hi khua pakhat le khat an i khat cio lo..
Khua cheu khat ahcun an khaupi nih siangin kai pawl kha sapherh, meh dangdang .....rawl tiang in an rak rin hna. Cu ahcun Khua bawi fa le lawng hi an rak kai tawn..
Micheu khua ahcun an khuabawi pa nih a fale kai ter a siang hna lo i an sal pa fale kha a kai ter hna..cu ti cun a sal fale cu ca an thiam nain a mah fale cu ca an thiam lo.
"Rak sifah zong cu a si pah, cun a thatzia zong hi țha tein kan rak theithiam lo" tiah Piter kum sawmriak (dam rih) mi nih cun ka halnak a ka leh.
Ref: CHIN INTERNET MINISTRY, 2003
0 comments:
Post a Comment