Kan no lio le thazang kan neih lio ahcun rian kan țuan. Kan i zuam len ko kan țhancho khawh nak hnga, kan thutdir ning ai rem khawh nak hnga. Kan nupi fa le cawmnak ah rian hrang kan tuan, aphunphun in lam kan sial i kan no lio thazang cu kan duh ning tein kan hman. Kan u pa deuhdeuh i thazang a ziam tuk cang, rian kan tuan kho ti lo kan fa le kut kan to lai kan ti. Cu le cangka Pathian lei ah kan i pe, a phunphun in kan i zuam. Asinain cu riantuan kho ti lo mi nihcun zeitluk hmanh in i zuam sehlaw san a tlai hlei lo, a si kho hrim ti lo, a țuan khawh mi a tlawm tuk cang. Vawleicung minung hmanh nih an riantuan ter awk ah an duh ti lo mi, tarpa cu Pathian nih zeitin dah a hman bal hnga.. Pathian cu zeizong ti kho tu asi caah a hman khawh ko ti sual hlah, Pathian cu forh khawh asilo. Atuah khawh mi asi ko nain zeitik hmanhah a tuah bal lailo. No lio ah Pathian min sunlawi ter usih. Kan nih cu kan no lio caan cu kan mah caah pei kan hman dih. Kan mah cahmanhah kan tuan khawh ti lo hnu ah pei Pathian kan panh cu., Pathian nih hman a kan duh ning zat in a kan hmang kho tilo. A no lio tein Pathian rian tu cu zei ahkhin kan hei rel rih lo cu, ningzak kan si. Cu pawl nih kan Khrihfabu cio ah upa an tuan ruangah kan Khrihfabu a than khawh lo nak asi. Kan no lio thazang kan neih lio a sursa kan pah ngam lio caan hi Pathian nih hman a duh, kan tar hnu ah cun hmannak ding a tlawm tuk. Nu le pa nih cun Pathian hi an tih kan ti ko lai, asinain fa le Pathian riantuan dingin saduhthat tu nu le pa cu mi tlawm te lawng an si. Hi kong ruah ahhin cun khuaruahhar in ka um tawn. Pastor tak hmanh nih saduh an thah ka zum. Pathian kan tlaihchan ning hi a derthawm tukcang. Pathian nih a reltu kan dih lak caah thluachuah kan pek piak hramseh. Amen.
0 comments:
Post a Comment