A thar in rian thawknak

(1Samuel 12:1-25)

Na rianttuan ciami cung ah fakpiin ngaihchihnak na ngei bal maw? Israel mi nih Pathin cu an siangpahrang sinak in an hlawt. Cu cu an i palh tuknak a si.

Pathian minung hna nih Pathian sinah thil sual tuk kan tuah sual hmanhah i ngaihchihnak le i mer tthannak caan kan ngei kho lo. Israel mi cu Samuel nih (1) an mah duhmi lam kha an zul tiah a ti hna. Siangpahrang ngeih  ding timi bia hi Pathian bia zong a si lo. Samuel bia zong a si lo, an mah duhning te a si, a tu cu an saduhthah bangin siangpahrang cu an ngei taktak cang (12:1-2) cun (2) Pathian an hlawt taktak ko…tiah Sameul nih a chah chih fawn. Pathian kha na hlawt caah Pathian salpa Samuel zong kha an hlawt a si ve. Samuel cu Israel cung ah caan saupi uktu rian a ttuan bal i cu chung ah ram le miphun rawknak kha a tuah bal lo.  Pathian le chiti a thuhmi Saul cu Samuel tehte an si. Samuel santlaih lo ruangah siangpahrang ngeih an duh kha a si lo. Cun Samuel nih a chim rih mi cu (3) Pathian cu a mi Israel hna cung ah zumhawktlak a si…tiah a ti. An sual ruang tu ah Pathian nih dan a tat tawn hna. Izip sal i an can lio ah Bawipa cu an rak auh, cun an sual tthan hawi(12:10). Bawipa cu an auh tthan an hna a hung ngam cun an sual tthan lengmang. Sualnak nih harnak a chuahpi, ngaihchihnak nih luatnak a chuahpi. Baiwpa kha bawmh an hal fate Bawipa nih a chanh tawn hna. A donghnak ahcun Bawipa cu an hlawt i siangpahrang ngeih kha an duh deuh. Ammon singpahrang Nahash nih a dum tik hna zong ah Bawipa tu an loin vawlei siangpahrang tu kha an auh. Israel nih Pathian cu ral an thawhhnawh lengmang tawn.

Samuel nih Israel mi cu an sual I hmuh i Bawipa sin i ngaihthiam halnak tuah kha fakpiin a fial hna. Cu lio caan cu rawlttuan lio caan te a si i a rocar ngaingai. Pathian cu khuaruahhar Pathian a sinak kha an hngalh fiannak ding caah Samuel nih ruahsur dingin thla a cam i rianrang ngain ruah cu fakpiin a sur (12:18).

Adonghnak ah Samuel bia cu an lung a pem i Bawipa hmaah an sual an i phuang i Samuel kha Bawiipa cu kan nawlpiak tuah tiah an fial (12:19). Samuel nih a chim tawnmi bia kha a nolh hnawh hna i Bawipa nawl pekmi cu nan zulh ahcun nan ram a dam lai tiah a ti hna. Annih cu Bawipa ni athimmi miphun an si i a nawlbia kha na ngaih ahcun himnak le thluachuahnak a pek hna i amah kha na hlawt hna nakhnga lo Samuel nih fakpiin a cawnpiak tawn hna(12:25).

Jesuh Khrih thihnak thawngin Pathian cu kan cungah a ttha i thluachuah a kan pek ve. Pathian cu khuaruahhar Pathian a si. Kan sual tuahmi cung zong in a lianhngannak langhter kha a duh. Jonah sualnak ni Pathian bia lomi lawng cawngpawl kha thluachuah a phurh hna (Jonah 1:10). Misual mi nih Jesuh Khrih an thahnak thawngin vawleicung khamhnak hmuh ding cu Pathian thil tinhning a rak si. Pathian nih “Nan sualpalhnak cu rak phuang u, cun kan ngaihthiam hna lai” tiah a kan ti. Jesuh cu misual hna caah a thi.