Minung hi kan I khat cio lo, cu bantuk in mi cheu cu kan
thinhun hi a fawi ngaingai.
A cheu cu ti menmen ah thinhun a thiam lo mi zong
cu rak um a si ve. Thinhun hmang lo hi teh kan um hnga maw? Bible nih le
thinhun a hmang mi va kom hlah a nawl nai cawn sual lai a ti. Cu si ah cun
thinhung hmang lo le kan um fawn ttung lo ahcun…buaithlak ngai khi a si. A
sinain hi ka ahhin kha lei kha kan zoh lai lo. Zeitindah kan thin a hun tik ah
kan dam ter khawh zau lai ti hi zoh hna usih. Minung kan thin a hun tik ah ttih
a nung tuk mi a si. Thil tthalo tambik a tuahtu hi thinhunnak a si lai dah. Cu
caah a tang I langhter mi Thinhun rehter zau nak phun thum hi philh hrimhrim
hlah…
1.Vancau: Kan thin a
hun tik ah kan taksa tiang in a control khawh bangin kan taksa zong nih hin kan
thinhunnak hi a control khawh ve ti si. Na thinhun caan ah na van i cau, asiloah cung lei kha zoh ko.
Lungthin lei thiamsang hna nih an chim mi cu,, minung kan thin a hun caan i a
cunglei kan zoh tikah thiltthalo ruahmanhnak caan a fum ter I, thinhun tikah
vancaunak nih thinsup a fawiter tiah an ti.
2.Nih: Kan thin a hun tik ah Nih hi thinhun a dai ter tu a
si ve. Thinhun lio ah nih cu a fawi lo, asinain huamlo buin Nih khawh I zuam,
thil pakhat khat kha sehlaw a Ni bantuk in i umter, minute pakhat hnu ahcun na
thinhunnak a dai lai.
3.Thawpi chuah: Kan thin a hun tikah huu..tiin thawpi chuah
hi thinhun a dai ter tu a si ve. Na thawpi na chuah hlan ah 1,2,3..tiin
hmuansam tein rel law na thawpi chuah, cu ti voi thum li na tuah ahcun na thin
hun a dai deuh lai.
Ref:Laikhalpa
0 comments:
Post a Comment