Alibaba Online Shopping Website dirhtu Jack Ma

Alibaba Online Shopping Website dirhtu Jack Ma 

(Online Shopping) Online thil cawk, zuar tbk hi, upa hngakchia ti loin mitampi nih hman cuahmah mi a si. Online Shopping kong hi kan Laimi tampi zong nih kan hman thuam cang mi a si. Kan ram ah mi.cheu khat cu dawr hmun țha an ngei lo nain, online ah zuar in dawr.tuah tampi an um. China ram ah online shopping nganpi pakhat a dirh a si tik ah China ram tampi chan a man ti khawh a si. Alibaba Online Shopping Website dirhtu Hangzhou khuapi um Jack Ma hi philh awk țhalo a si. Alibaba Online Shopping Website pi hi vawleicun ah karhzai in a hlawhtling mi pakhat a si ve.

Jack Ma (Mintak - Ma Yun)hi Sep. 10, 1964 kum ah Zhejiang ramțhen Hangzhou khuapi ah a chuak.

A nu le pa hi Tuluk hlan lio kong tuanchan chim in baw ai cawm mi an si.

Mirum cu an si hrim lo. Communist uknak tang um an si ruang ah buainak, phihnak (chawlehchawhrawl nak ah) tbk tampi harsatnak a tam lio caan a si. Hi lio caan hi Jack Ma nih cun fiang tuk in a rak teh ve. A chan lio ahhin mirang ca thiam hi an um lo ti tluk a si. Mirang ca cawnnak cauk hmanh hi a um lo tluk a si. Hanzhou ah kal in Tourist pawl tlun nak Hotel ah, Tourist pawl cu hmun kip ah a kal pi hna i...cu ti cun kum kua chung holh cu a cawn. 1988 ah

Hangzhou Teacher’s Institute ( Hangzhou Normal University) in B.A. (English) degree a la. Degree a lak hnu ah Company sawmthum ah rian a sawk nain a hmu lo.American hrambunh KFC arsa dawr tu China ah on a si tik ah rian sawk tu hi minung 24 an si. Asinain 23 lawng nih rian an hmuh i an lak ah pakhat cu a hmu ve lo. Cu pa min cu Jackma a si. Harvard University pi zong ah sianginkai ding in voihra tiang a sawk nain a ngah lo.

A hnu ah Mirang ca a chim i thlakhat ah Kawlram tangka thawnghra a hlawh. A hnu ah a chim mi "KFC rian ka sawk nain ka van țhattuk ruang ah ka ngah lo" tiin.

Jack Ma cu 1994 kum ah America a phan ve. A hawile ruang ah Internet a tongtham ve cang. Beer timi ca kha avanțial tik ah a khuaruahhar. Aruang cu American Beer, Germany Beer tiin ram dang dang nih an tuah mi Beer kong kha hmuh. Asinain China Beer ti cu a hmu ve lo. Cun China tiin a van țial țhan tik zong ah zeihmanh a lang lo. A lung ah a hong chuak mi cu internet nihhin vawleipi le China ram hi a thlen khawh tihi a si. 1999 ah khan a hawile cu a kawh hna i, internet in income hmuh khawh nak ding pawl a tuak pi hna, asinain a hawi le nih cun an zum kholo, pakhat lawng nih a pawmpi i, website an tuah. Jackma cu zeihmanh website lei thiam mi a ngei lo. A duh ning tein a hawile nih cun an tuah piak i a website min cu alibaba tiah a ti. Thilri kha internet ah chiah zuarnak a si. Voikhat cu ram dang in thilcahtu an ngei. Dawr ngeitu hna kha a va chimh hna i a cahtu sin ah an kuat. An kuat khawh ahcun Commission fee a lak ve hna.

“Today is Hard, Tomorrow will be worse but the day after tomorrow is sunshine”

alibaba hi internet ah thilri chiah i a miak in zuartu Amazon le eBay tbk he an i khat lo. Thilzuartu le cawtu kha a pehtlaihter hna. Holh a leh piak hna, an i cawk khawh ahcun commisssion fee lak lei kam company phun a si. Alibaba website hi vawlei pi theih in min thang a si nak pakhat cu...China ram chuak man fawitete kha nitlak ramhna nih cawk an rak duh nak le China mirum tampi nih nitlak ram hna i tuah mi quality tha taktak hna cawk rak duh ve nak ruang ah hin a si bik ko.

Thilcawtu le zuartu karlakah lungtlinnak tampi a tuah khawh tik ah hlawhtlinnak nih a dawi colh ve ko.

Jackma hi China mirum bik pahnihnak a si. Vawleicung ah 33 nak a si. Nikum ah khan cun China a rumbik pakhatnak a si i, vawleicung ah 18nak a si. Amah hi miniam te pe 5 lawng a si.

Teirialnaka ngei i, zatlaknak a ton mi tik ah a țihlo. Biafim tampi a ka in chuak. A nunnak hi biatak tein rak rial a si ca ah mifim, zangfahnak ngei mi a si.

Ref: fb le internet