Thomas Edison Nu nih a fa a zohkhenh ning hi cawntlak taktak a si
Ni khat cu sianginn Thomas Edison cu inn lam panh in thatho ngai in a rak lawi. "Ka nu sayamah nih hi ca hi na nu va pe tiah a ka ti" tiah a nu cu a pek. A nu nih cun cu ca te cu a rel i a mitthli a tla. Afapa dawt te nih cun ka nu ziah na mitthli tlak..rak ka rel piak ve..a ti i a nu nih cun a van rel "na fapa hi ca a thiam tuk ca ah kan sianginn ah ai tlum lo, amah cawnpiak kho tu an um lo ca ah, thazing in cun sianginn rak kai ter ti hlah" tiin a rel piak. Thomas Edison cu sianginn kai ti lo in a um. Amah tein thil a kawl i a nunnak lamtluan ah minih "mihrut" tiah an ti tawn mi pa a si.
A hnu ah electri buld a tuahtu hlawhtling le minthang pakhat a hong si. Nikhat cu ka nu ca a ka rel piak mi te kha tiin a van rel țhan.."na fapa hi hawi a lo lo, ca a thiam lo tuk i thaizing ri in sianginn rak kai ter ti hlah" timi a rel. Sau nawn khua a ruat i a țah hnu ah ca a tial mi cu.." Thomas Edison cu hawi lo lo rak ti si ko hmanhsehlaw, mi huaisen a nu ruang ah kum zabu chung ah thil thar serchuak kho tu miropui ah a cang" tiin.
Careltu nu le pa hna Thomas Edison nu nun hin cawn ding mi kan ngei. Kan fale forhfial i, an thil ti sual mi ah mawhthluk colh loin fiang tein chimh ta i, ralțha tak in hmainawr tu an si khawh nakhnga thazang pek daithlang hlah usih. Cu tin caan tlawmpal a liam hnu ahcun miropui le hlawhtling an si kho lai.
(fb)
0 comments:
Post a Comment