Bible nih a kan cawn piakmi harnak

Bible nih a kan cawn piakmi harnak

Harnak hi amah tein a chuak mi asilo țhatnak caah Pathian nih a hman tawn.(rev 21:3-4).

Pathian cu țhatnak in a tling dih mi Pathian a si. Cucaah țhatlonak a duh lo caah a kan dothlat nak caah le Amah bantukin țhatnak in kan khat khawh ve nakhnga harnak hmang in a kan cawn paik tawn (ps5:4;11:5-7) .

Pathian nih harnak a chuahter lo nain asunparnak ca ah a hman tawn. Pathian nih harsaknak hi Pathian a si nak le biaceihtu a si nak fianter nak ca ah le a mifa hna nun chimhnak le zumhnak țhawnnak le thazang pek nak ca ah a hman tawn(Num 16:31; Isai 10:5-19; Phunb 3:12, Heb 12:21), Amah lawng bochantlak Pathian a sinak theihter nak caah asi.(2Tim 3:12, Phil 3:10),Pathian nih a thimcang mi hna caah cun zeizong vialte hi a țha lei in a ser piak ko hna.=Rom 8:28).

 2Cor. 12:21 ,Gen. 50:20 Ah Joseph a u le nih an zuar i a cung a tlung mi harnak vialte kha Pathian nih an nun nak khamh nak caah a rak khan piak cang mi hna a si. Mi tampi nih cun harnak kan ton hi kan mah nih kan tuah caah a tlungmi silo ah vanchiat nak si tiah an chim tawn. Job nun kan zoh tikah cun zeithil hmanh hi Pathian nawlpek nak tel loin kan cung ah Satan nih harnak a tlunter kho lo ti cu kan hmuh. Tuchun ni ah kan ton mi harnak hna hi teh Pathian nih a thei hnga lo maw?asiloah a kham khawh nak țhawnnak a ngei hnga lo maw? Ziah  Pathian cu zeizawng ti kho tu le hmailei kong a thei dih tu Pathian kan ti țung ziah a kan khamh ne lo, chim duh mi cu Laimi nih kan ton lio mi har nak mu. Paul nih cun minung mithmuh ah ka der lio caan khi ka țhawn bik lio caan  asi a ti. A ruang cu kan ton mi harnak hna hi Pathian nih a theih mi le a kham kawh mi a si ko nain a cung lei ah kan hmuh mi hna khi a mi hna caah a duh mi le kan caah a tinh mi aum caah a kham lo nak si, cucaahcun a duhnak theih khawh nak ding caahcun AThiangthlarau sawm hna u sih law a thim cang mi hna caah zeizong vialte a țha lei in khua a kan khan piak tu Pathian kan ngei ti hi philh hna hlah uh sih. 

By. Bawiramcuan. Facebook..'Cinzahbawi Cuan' asi peh tlaih duh mi caah.

Relchap>>

Nu Le Pa Hna Nih Theih Aherh Ngai Mi Hna.

                                     Nu Le Pa Hna Nih Theih Aherh Ngai Mi Hna.

1 . Hringtu nu le pa hna nih kan fa le caah zei dah kan tuah awk asi. kan fa le kha biak in ah pumh pi ding in kan rat pi hna tik ah biak in chung ei ding thil nan cawk piak tawn mi hna hi atha lo, pathian kan thangthat nak chung hmun hma ah hin cun ei din kan cawk piak hna awk asi lo. Church School nan rak kai ter tik hna ah. Biak inn ah thil ei lo ding tiah Saya/mah te nih kan cawn piak hna. abarh in kan barh hna lio ah nu le pa nih ei din nan cawk piak hna tik ah zei tin dah kan fa le cu chimh an ngeih  khawh lai.

2 . Pathian rian hi amah thangthat abiak inn thiang chung rat lawng hi asi lo. Nu le pa nih kan theih aherh bak mi cu. Kan fa le kan zoh khenh hna kan chimh hrin hna hi pathian rian asi. pathian nih zoh khenh tu dingah zoh khenh dingmi fale akan pek mah hi kan zoh khenh hna hi pathian rian asi.

3 . Nu le pa hna na fa chimhhrin nak ah fung maw/ cheih na hman peng ah cun na hman mi fung/cheih kha zei hmanh ah arel lo caan a um te lai. cu caah cun fa le hi kan chimh cawn piak hna tik zongah iral rin bak ding asi. biak inn chung kan ipumh tik ah na fa um tu kha zoh law athut to ning kha na hmuh tik ah mi hna hnawk asi maw si lo kha na hmuh lai chimh hrin mi hngakchia cu mipi sin an thut to tik ah fel te in an um. na fa le mi fa zoh chunh tawn hna.

4 . Nu le pa hna Mitsuur din ah chuah nan hmang tuk mah hi kan tuah ding asi maw ruat hna usih na hman peng asi ah cun. Na fa nih chuah phung ah aruah lai. cun fale hmai ah zei tik hmanh ah nu le pa i si hlah uh fale caah thiltha  lo tam pi achuak kho.

5 . Fale rian fial zong iral ring.  Athur hnawmmi Kunya,kuat,khaini,raja hei ti ban tuk maw athur hnawm mi zei hmanh cawk fial hna hla na fa athan lianh tik ah, mah hna pawl thil kha atuah dih lai. cu caah aca thiltha lo tam pi achuah ter.

Mah ti hin ka duh nak tete ka vun lak hna atha ngai tiah ka ruah i ka vun in hrawmh ve mi hna si tha zang laa cio hna usih,

Saya. Sui Lian Thang...

Relchap>>

Pathian Thimmi kan si

Pathian Thimmi kan si

Bible cang thim: 1Peter 1:9-10 “Sihmansehlaw nan nih cu thimmi miphun siangpahrang tlangbawi, miphun thiang, Pathian miphun hrimhrim nan si. Muihnak chung in amah ceunak chung ah an kotu hna Pathian nih khuaruahhar mi thil a tuah mi thanh awkah nan nih cu an thim mi hna nan si. Hlan ahcun nannih cu Pathian mi nan rak si lo, sihmanhsehlaw a tu cu nan si cang; hlan ahcun Pathian zangfahnak kha nan rak hngal lo, sihmanhsehlaw a tu cu a zangfahnak kha nan hmuh”

Peter nih “nan nih cu” a timi hi Khrihfa chungkhar in a chuak mi umtu hna tinak si loin hngakchia chuakka bantuk in Thlarau hnuk a duh i a tthang mi lungmawng bantuk in Thlarau biakinn saknak ah a tel mi, cohlan awk a tlak mi Thlarau raithawinak kha Pathian sinah a pemi zumtu hna tinak a si. cu bantuk Khrihfa hna cu thimmi cu kan si. A kan thim tikah sullam a ngei loin a kan thim lo. A kan thimnak sullam cu:

                -Thluachuah pek a kan duh caah a si. Acts sianginn ka kai lio ah mirum pa pakhat a ra, sianghngakchia bomhding a rak kawl. Cu pa nihcun keimah a ka thim i a tu tiang in a ka bomh zungzal ko. A caah tuah khawh mi le san tlaihnak ka ngei lo. A rak ka thimnak cu keimah bomh ding ca lawng ah si lo. Pathian nih a kan thimnak le a kan thluachuahnak hi philh hlah usih.

                -Amah thangtthattu ding ah a kan thim. Sermi thil hna lakah minung lawng hi thlarua a kan pek i fa taktak sinak a thei mi hna lawng nih sertu  Pathian cu thangtthat khawh a si. K fanu te cu kan ram ah kum 4 chung ka chiahtak i ka va tlun tthan tik ah a rak ka thei ti lo. Midang tu kha “ka pa” tiah a auh hna. Ka hmuh tikah ka lung a fak ngaingai. Pathian sermi minung, a fale hna nih amah kan theih lo i kan mer tak tikah Pathian zeitluk in dah a lung a kuai hnga. Pathian kan Pa cu thinlung tak tein thangtthat hna usih.

                -Amah riantu ding ah a kan thim. Laimi aiawh in bawlung kan chuih lio ah Lai miphun vialte hmaihngal tertu le minthan tertu si kan i zuam bantuk in Pathian nih a ram le amah miphung hmaihngal tertu ding ah akan thim ve. Cu kong tu ruat loin duhpoh in a nung i a um mi zumtu cu Bawlung a chuih sawhsawh I phaisa a ei mi bantuk men kan si. 

Rev. Herbert. Tum Ceu 

January 28, 2001 

Internet Ministry cauk chuahmi

Relchap>>

Dawtnak cu tlabulbal in khua a sa lo

Dawtnak cu tlabulbal in khua a sa lo

Bible cang thim;

Matthai 7:12 “Mi nih kan cung ah tuah hna seh ti nan duh bantu khan midang cung ong ah va tuah ve uh.” Matthai 5:12 “Mi nih tthatlonak an tuah mi kan ngeihthiam hna bangin kan tthatlonak cu kan ngai thiam ve ko”

Ka Bawipa Jesuh Khrih a chuah hlan BC 850 hrawng ah Profet Isaiah nih “Khuaruahhar fimchimtu” tiah a rak chim. Kan Bawipa Jesuh nakin fim chimh a thiam mi hi an um lai lo. A cawnpiaknak hna hi rel lengmang ahcun nifatin kan nunnak ah Thlarau lei lawng siloin, pumsa lei zong in zoh ah nihin kanmah chan tiang zong ah a dik ko. A kan cawnpiak mi vialte hna lak ah a pithlurdik cu dawtnak a si, cu dawtnak cu Lakaltu Paul nih 1Korin 13 chung ah fiang tein a kan chimh tthan. Cucu dawtnak cu a mah Khrih kha a si i, cu Khrih a zum ve lo mi hna nih cun a zulh awk zong ah a har i, an lung zong a fiang lai lo.

Voikhat cu kan hawipa pakhat nih Rev. David Van Biak nih Lai Baibal ca a lehmi cung i a hman mi kan Laibia vialte lakah hin ka uar bik mi biafang cu 1Kori 13:5 ah “Dawtnak cu tlabulbal in khua a sa lo i amah zawn lawng ai ruat lo” ti hi a si a ti. “Tlabulbal in khuasak” tihi zeitindah nan ruah cio? Kawl phungthluk ah “minung kan siko nain minung bantuk si hi a fawi lo” an ti mi hi a zeidah an duhnak a si hnga, a zei ruang bik ah dah hi phung hi an thluk hnga? tiah kai hal lengmang tawn. Ka hei ruah khawh mi cu va nun sawh lawng hi siloin, ka nunnak ah a herh mi zulh ding phung le lam hna le, tuah ding tuah lo ding, chim ding chimlo ding, ti cah ah ti lo i tilo can hna ah hei tuah ti bantuk hna khi dah an si lai ka ti. Chim duhmi cu minung sinak ah kan chiattha thleidannak nih a ttha le a chia a thleidan mi chung ah a chia lei panh i kan nunnak ah mah duh ning le siarem ning poh in kan tlonlen le kan tthutdir ahcun cucu dah tlabulbal in khuasak ti cu a fianter bik lai. Cu nak zong cun sullam a va ngei ko lai nain, hi ka ah ka chim duhmi cu Bawi Jesuh Khrih zumtu hna nun “Khrihfa nunnak” kong ahhin kan Khrihfa sining hi tlabulbal in khua a sa mi a si sual hnga maw ti hi ruat tti cio tuah hna usih.

A cung lei Bible cang ka thim mi pahnih hna hi van zoh ta hnik hna usih. “Do unto others as you would have them do unto you” “ Mi nih ka cung ah tuah hna seh ti na duh bantuk khan” ti tiang hi le “Midang zung zong ah va tuah ve uh” timi hi an khin a rih ai khat ngaingai mi an si. Cu ve bantuk tthiamtthiam cun “forgive us our debts as we also have forgiven our debtors” “Mi nih tthatlonak an tuah mi kan ngeihthiam hna bangin” ti zawn tiag hi le a dongh lei biatlang “ kan tthatlonak cu ka ngai thiam ve ko” ti zong hi an khing ai khat. Kan Lai holh ah ‘ bantuk in or bangin le mirang i as ti hi ai khat i, kan ti bantuk in kan hmuh “Give and take” policy ti usihlaw kan palh lem lai lo. Zumhnak kongkau zong ah “nan zumh ahcun nan nung lai” ‘ an tuh bangin na zun lai’ a ti fawn. Khrih a fale kan nih vialte hna nih hi policy hi kan i tlaih awk a si tiah ka ruah. Kan minung sinak ah hin thluachuah lawng hi kan hal lengmang, kannih ve zong nih a pek lei kan daithlan ahcun cucu a khing ai khat ti lo i policy kan kalh cang. Cu ve bantuk in phundang in kan chim ahcun thilttha na tuah bantuk in thluachuah na hmu lai. Na tuah mi leng hmanh in na hmu fawn lai.

Jesuh ni bianabia a chimmi pakhat cu Mathai 18:21-35 ah mipakhat cu leiba a ngei i cham caan a phak tikah a cham khawh lo caah a va nawl, a leiba cu ngaihthiam a si tikah a va kir riangmang i amah a rak battu pa kha a va cawh ve. A rak cham khawh ve lo tikah a or in a va diik. Kan dihlak in mitling kan um lo. Sihmanhsehlaw, Khrihfa kan si ahcun “dawtnak” nihhin a kan ttemttawn a hau. Cu tikah kan nunnak ah zeihmanh hi mualphonak a um hrimhrim lai lo. Nihin ni ah kan Lai miphun chung ah Khrih thawngttha a lennak kum 100 a si cang nain, dawtnak a zor chin. Mah zawn ruahnak nih a tei. Ramhar lio caan ah kan mah bantuk in a paw a khim lo mi hna an tamtuk tikah kan nih vilate kan thluachuah hna hi i cheu cio tuah hna usih. Ngakttah an tam ko. Rawltam mi an tam ko. “Samaritan Law” ti mi hi International Law bantuk a si. Driving school a kal mi nih cun le Law a thiam mi le careld euh nih cun nan theih lai. Lady Diana accident a caan lio ah va chan hmasa loin , hman an rak thlak salam. Curuang ah hi Law hi an tauh. Harnak a tong lio mi hna va bawmh si loin, an harnak cu caan ttha lak riangmang in phais kawlnak ah maw, minthannak ahmaw, miaknak ah maw hman kha vawlei mit zong nih a rem lo. Kan Bawipa Jesuh Khrih mit hrimhrim ahcun a zei cu dah a vai rem chinchin hnga. Khrihfa sinak nih a kan cawnpiak mi a pitlurdik cu a dawtnak a si ko i, cu nih cun zangfahnak a ngei i, mitawi ah ai dor. Tlabulbal in khua a sa lo.

Pu Victor Biak Lian sermon tawi

November 4, 2000

Internet Ministry

Relchap>>

Ttihnak chung ah nung hlah

Tthawng u law nan ral ttha ko u, ttih hlah u, an hmai ah therpahng hlah u, zeicahtiah nanmah he a kal mi cu Bawipa nan Pathian a si; an deuh hna lai lo I an hlaw fawn hna lai lo..(Deut. 31:6)

Pathian fa na si bangin ttihphannak in nun cu a palh ngaingai. Baibal hmun tmapi ah Pathian nih kan ttih lo dingin, a tu le a tu a kan chimh, a kan forhfial. Khrihfa a simi hna nih Satan kan ttih nakhnga a sullam pakhat te hmanh a um lo. Zeicahtiah amah cu tei ciami a si. “Jesuhnih cun a hun naih hna I, “Vancung le vawlei cung I a ummi ngalngeihnak vialte cu pek ka si cang” a ti. Na theih a herh mi cu tthawnnak a zapi tein pek ka si cang a ti lo, a cheuchum zong a ti lo, a chim duh mi cu Satan caah zeihmanh a tang lo. Satan tthawnnak a zat in hrawhpiak a si cang I, bawmtu ngei loin a zeng.

Satan le a hawi le pawl nih an rianttuannak, thong an thlaknak le an hrem an vuak nak pawl cu mipi zoh ding men ah a chuahpiak hna(Kolose 2:15). Cun nangmah kha an mah pawl cung ah nawlngeihnak cu an pek. “Cun vailam cungah khan KHrih nih thlarau uktu hna le nawlngeitu hna tthawnnak khanai hlitphuak I zapi zoh awk men ah khan aser hna I teinak in a kalnak ah khan sal tlaihmi bantuk in a hruai hna”(Luka 10:19).

Ttihnak phunphun le harnak pawl ah a herhnak khan na thei cang maw? Zumhnak in na nun awk hrim a si. 

Pathian le a bia cung ah khan zumhnak, Satan le a rianttuanpi hawi a simi muihnak cungah Jesuh Khrih I teinak kha zumh ding hrim a si. Na pawngkam ah zeithil poh tlung ko hmanhseh, nangmah le na chungkhar le na rian cung ah khan ttihnak hrim ngei hlah. Nangmah le mah kha Pathian bia in khah I zuam. Amah bia nih cun zumhnak a chuah ter lai I, cu zumhnak nih cun ttihnak kha a hrawh lai, cun Thiang Thlarua uknak in rian an ttuan ter lai.

Relchap>>

Minung Sining le Thinlung Put

Minung Sining le Thinlung Put by Pastor Vanbawikam

Tutan Christmas kan hman lio ah ka thinlung ah a chuakmi thil tete facebook hawi le sin ah chim loin ka um kho lo cucu tawi tein van tial ta ka duh. Caan na ngeih ahcun rak rel ve dingin Bawipa Zisu Khrih min in kan sawm hna!

Matthai 1:12 chung kan zoh tik ahcun Messiah a chuah lio ah Herod nih tthut den le pen nak humhak duh ruangah sualnak ngeilo kum 2 ri in a tanglei vialte a thah dih hna tiah ati. Hi thil a can nak aruang hi Herod nih Messiah hi amah telh in mivial te nih khamh nak an hmuh khawh nak ding caah a ra mi asi nak hi a rak i fian ve lo caah asi. Herod nih amah dirhmun lawng a rak hmuh khawh tawk asi caah le a thut den cung thut a nuamh nak lawng a ruah khawh tawk asi caah hi thil vial te a hung can nak hi arak si. A ngaingai ti ahcun Messiah nih cun Herod bawi tthut den kha cu zei te ahkhin a rak rel mi asi lo nain le amah Herod hrimhrim telh chih in mi vial te caah a nunnak tu pek chanh deuh ding tu kha a rat hnawh chan cu arak si. Cucaah Herod nih taksa lei lawngin aruah sual i a thut den le pen kong lawng ah abuai sual caah sualnak ngei lo kum 2 ri in a tang lei vialte thah an si nak asi.   

Cu ve bantuk in uk tu tampi cu anmah ca vial lawng an ruah khawh caah le bawi thut den cung thut a nuamh vial lawng an ruah khawh caah an i run ven nak caah sual nak ngei lo nun nak tampi thlan mual ah an liam ter tawn. Hringtu nu le pa, u le nau hna nih sian lo bu in mitthli he thlah liam an si tawn. Cucaah bawi tthut den le reng hna hi minung nih serchom men mi an si ko nain uk tu sual an chuah tik ahcun bawi thut den a ser tu minung hna li la kha an thi sen chuah ter an si tawn.

Laimi lak zongah hi thil a cang mi hi a tlawm tilo. Si nain kan nih Laimi sin a cang mi tucu leng lei thisen chuah nak si loin thin lung lei kehkuai nak le thlarau lei zawtnak tu asi. Khrihfa bu ah thut den cuh ruang le mah nawl ngeih duh ruangah sualnak ngei lo mah tein cong a thai ciahmah ko mi member thinlung kan kehkuai ter hna can le thlarau ngeih kan chiat ter can a tlawm ti lo. Kan mah duh nak in thil siseh ti le nawlngeih duh tuk ruangah kan caah rian a tuan cuahmah mi le kan taksa thlarau caah thla za a cam cuahmah mi zong zei ah kan rel kho ti hna lo. Herod nun kan hluan can hi a tlawm tawn lo. Hnah chuah nak, mah i ti nak, phorhlaw ruamkai nak le ziar ngeih nak hna nih kan nun ah hmunhma an lak dih tawn caah thlarau lei ah a kan hruai tu tampi an nun kan hliam khuai tawn hna.
Cu ve rual rual in pawngkam le khrihfa bu chungah sualnak ngeilo hngakchia bang dai tein a um ko mi le mah tein cong athai depmap ko mi zong an nun kan kehkuai ter hna can le thlarau mitthli kan tlak ter hna can hi a tlawm ti lo. Hi nih Bawipa lung a lomh ter kho tawn lo. Cucaah Herod nih nau te Zisu sin a phak khawh ti lo ban tukin kan thlarau nun hi nau te Zisu Khrih sin a phan ve tawn lo cucaah taksa le thlarau thluachuah zong kan don khawh taktak lo nak hi asi. Bawipa Zisu sin phak na duh asi ahcun phorhlawt ruamkai nak, chunglei in ziar ngeih nak le nawlngeih duhnak te hna hi kal tak in kan caah a ra mi nau te Zisu Khrih tu ithim in ton itim deuh hna usih! Bawipa nih thlua kan chuah piak ko seh! Amen.

Fb ta copy mi a si.

Relchap>>

Dawtnak na ngei cang maw?

Bible cang thim – “A hmun zungzal mi thil pathum an um, cu hna cu zumhnak le ruahchannak le dawtnak an si I cu hna lak i a ngan bik mi cu dawtnak a si” (1Korin 13:13)

Paul nih Korin khua Khrihfabu sin ah dawtnak kong he pehtlaiin ca a kuat mi hna hi mi tampi nih minung le minung karlakah kan tuah ding mi dawtnak ah ruah cio a rak si. Mah hihi kan nganh deuh rua ka ti. Kei kai fian ning ah cun kan I chuahpi mi, minung sinak in kan tuah khawhmi dawtnak a si bak lo tiah ka chim duh. Khah, kan tuah kho hnga maw? A tawinak in Bible cang ka van langhter lai. Dawtnak cu zeidah a si hnga? 1Korin 13:3 ah Ka ngeihchiah thil vialte kha mirethei caah va pe dih in le ka pum tiang hmanh khangh awk ah va pe hmanh ninglaw, dawtnak ka ngeih lo ahcun zeihmanh  san a tlai lo. Minung nih kan lungchung tein kan upat mi hna cu degree sangsang le mirum hna, ram tthattha ah a kal kho mi hna kha si loin m bawmh chanhnak lungthin a ngeimi hna, mahzawn nakin mi zawn ruat deuh, mi va bawmh, thil va pek le ngaihchia mi hna va tuarpi tu hna kha an si. A mah belte cu ngeihmi thil vialte mi rethei mi caah a pe taktak kho mi an um hnga maw? A pe mi zong an um ko lai, mah duhmi caah cun nunnak tiang a pe mi zong an um ko lai.

Zawl Tling le Ngan Bawm, Duh Mang le Dar Din le Romeo le Juliet hna kha a tu tiang an tuanbia chim le ral an si. Mah duhmi caah cun thih a fawi deuh men lai dah. Midang sawhsawh hrang ah mei kangh tiang tuar ngam, nunnak pek cu a awl bal lai lo. Cu tluk tiang a pe tu an um ahcun cucu minung tahnak ah a sangbik dawtnak, minung nih kan tuah khawh mi cu a si ko hnga lo maw? Paul nih santlailo ah a chiah fawn. Cucaah minung sinak nih tuah khawh ding a si lo ning a langhter.

Dawtnak a timi hi zeidah a si ne hnga? 1Korin 13:5 ah “Dawtnak cu tla bulbal in khua a sa lo I amah zawn lawng ai ruat lo; a thin a tawi lo palhnak kha ai cinken peng lo” a ti. Minung lakah a thin hang ballo mi kan um hnga maw? Kan duh, kan dawt deuh mi cung ko ah kan thin a tawi khun a si lo maw kha. Sualnak lei a ruat lo mi the kan um hnga maw? Kan tuah le tuah lo cu um rih sehlaw. Kan tuar khawh lo mi phun a tam tuk fawn. Zeidah dawtnak cu a si hnga? Cun 1korin 13:8 ah “Dawtnak cu zeitik hmanh ah dongh a thiam lo” a ti.

Thawngttha chimnak, theihnak tbk… um hmanhsehlaw, a dih caan a um te lai i tlamtlintertu a rat tikah cun an lo dih lai a ti. Minung cu a thi ding, a lo ding mi kan si, a dih lo dingmi cu zei dah a si hnga? Minung tuah khawh lo ning hi ai fiang deuhdeuh. A dong lo ding thil kha a chim a duh. Dawtnak cu zei cu dah a si hnga? Cun zumhnak thawng te cun pei Pathian cu kan biak i, kan huam lo bu le manh lo bu in kan I khawmh I thawhhlawm zong kan pek cu. Jn. 3:15. Kan thih tikah kan thlarua vanram kai dingmi ruahchannak te cu pei Pathian cu kan biak fom cu. Zumhnak le ruahchannak cu a biapi tuk ko ttung. Dawtnak a ngan deuh a ti mi hi minung le minung kan tuah dingmi dawtnak kha a ngan bik a si ti hi a duhnak a si hrimhrim bal lai lo. Kan I cawnpiak tawn ning cun tuah kan I timh chung poh cu kan tuah rih lo tinak a si. USA kal kai tim kan ti tikah USA kan phan rih lo tinak a si.

Unau hawidawt hna, Paul nih a chim duhnak hi kei kai fiang ning ahcun minung sinah kan tuah dingmi dawtnak kha si loin Dawtnak a ngeitu Pathian kha kan ngeih lo ahcun zeitluk in peknak nun va ngei hmanh usihlaw san a tlai lo tiah a ttial duh tiin ka pawm ning a si. 1Jn. 4:8, Pathian cu dawtnak a si a ti. Bible cheu khat nih 1Korin 13 cung tlangpi khi dawtnak tiah an ttial nain King James Version nih cu The Great Gift  tiah a ti. Pathian nih Afapa kha minung hna caah a kan pek mi dawtnak nakin a ngan deuhmi laksawng a um kho hnga maw? Kannih minung hna nih cun laksawng, lak lawng kan rian a si. 2Timote 1:9, Thil tinak a si lo, laksawng a si a ti. King James Version nih Love timi hi a fianternak ahcun love is one of dynamic terms Paul uses to speak of the holy enabled by the fullness of the Holy Spirit  tiah a ti. Cucaah Pathian cu dawtnak taktak(perfect love) ngeitu a si i minung dawtnak cu a deu (fake love) a si.

Minung dawtnak cu “ruang ah” dawtnak a si. Rum ruangah, dawh ruang ah, chungkhat si ruang ah, phunkhat si ruang ah, rak bawmh ruang ah, herh te lai ruang ah dawtnak a si. Pathian dawtnak cu “zong ah” dawtnak a si. Sifah zong ah, rum zong ah, muidawh zong, muichiat zong ah, bawmhkhawh lo zong ah, mah phung hawi si lo zong ah, zei bantuk mi va si zong ah dawtnak a kan ngeih. Mizo hlasak thiam C.Luri a sak  mi ahcun “Ram dawtu nih ram caah nunnak an pek, miphun dawtu nih miphun caah nunnak an pek, ka Bawipa dawtnak a sanning cu a ral ka caah A nunnak a pek” tiah a sak. 1Jn. 4:7 Dawtnak cu Pathian sinin a chuak mi a si a ti. Minung sinin a chuak mi a ti lo. Cucaah minung nih tuah khawh mi dawtnak a si lo i Dawtnak Pathian kan ngeih a herh ning hi Paul nih a kan cawn piak. Dawtnak Pathian ngei taktak ttung loin Pastor fel, Khrihfa upa fel, zumtu fel hna kan rak si sual lai ti ka phang tuk. San a tlaihlo zia Paul nih achim cang kha.

Vawilei ahhhin party pahnih lawng kan um I, Satan phu le Pathian phu kan si ko. Ai ral mi an si. Jn. 3:6, Rom 5:9. Tahchunhnak ah cozah a dotu tapung hna nih zeitluk in thil ttha tuah in, sianginn sak piak, siiai pekchanhnak lei he a phunphun in rammi hna caah thil ttha tuah hmanh hna sehlaw, Cozah ruahnak ahcun kha tapung pa kha a ral ah a ruah peng bantuk in Dawtnak Pathian tak ngei ttung loin Khrihfabu ca le midang caah kan I pek nak vialte hi cu Pathian nih a ral ah a kan hmuh men lai dawk aw. Unan hna, dawtnak Pathian taktak kan ngeih le ngeih lo hi a tu can bak ahhin ka nunnak dih in um sual ning law, vancung ramttha dawtnak ram ah khin ka thlarau a leng taktak hnga maw? ti hi van I dap hna usih tiah kan sawm hna. Kan ngamh taktak deuh lo ahcun kan ngei lo a si kho men, Satan phu kan rak si ziar kho me. 1Jn, 5:10 Pathian fapa zumtu nih cun mah tein I theihfiannak an ngei a ti. Na theihfian lo ahcunlunghrin awk ngaingai a si ko lai.

A donghnak ah tahchunhnak pakhat tein ka van chim lai. Mizoram, Aizawl ah mirum hna nupa an um, nikhat cu tthen an I tim. An pa nih kan ngeihmi thil vialte lak ah na duh cem mi pakhat in I thim a ti, an nu nih khah kai thim taktak lai I na siang tak lai maw? a ti. An pa ruahnak ahcun building indot ruk a si mi inn kha pei ai thim rua lai tiah a ruah lio ah an nu nih cun nangmah kan thim a van ti cu a lau ko, an nupa in an I kup I an ttap. Hi tluk I a ka dawtu cu kan tthen lai lo a ti. An nu cu thim zia a thiam tuk ka ti. Pakhawt lawng ngei ding kha a zapi tein an pa he a ngeih tthan dih ai. Hi bantuk in dawtnak Pathian cem kan ngeih cang ahcun ro cotu kan si, Paul ni ngeih lomi thil ka ngei lo a ti kha si. Cucaah minung sinah dawtnak kan tuah loo ding a si ka ti hrimhrim lo. Pathian tu kha ngeih hnu ah dawtnak kan tuah mi hi vanram credit ttha tuk a si ti ka chim duh. Biathlam 22:12, mikip an thilti ning cio in lawmman pek dingin ka ralai a ti. Dawtu Pathian ngeih bu I mi cung ah dawtnak tuah mi cu USA nih kan credit an record dih bantuk in vancung credit record a ttha lai I, lawmman pek caan a um tikah suiluchin tthattha hmuhnak hna a si ko lai. Dawtnak na ngei cang maw? Dawtnak taktak cu Pathian a si. 

By 

Pu Phun Tling

Chinchiah// Internet Ministry ca uk chung ta ..ka uar tuk ah ka van share mi a si.

Relchap>>

Khrih chung ah Pathian nih an pek mi na covo

Nannih nih kan Bawipa Jesuh Khrih vel kha nan hngalh ko; A rum nain nanmah ruangah sifah ah a cang, cuti a can cu a sifahnak khan nan nih kha rumter an duh hna ca ah a si(2Korin 8:9).
HI Baibal cang cu aliam in a liam mi a sawhsawh nakin a sang deuh mi nunnak in nun dingah forhfial nak a si. Ka chim zungzal mi cu Khrihfa hi a sifahmi kan si ko nain rum nawl a cawng mi cu kan si lo. Asinain mirum fapa nih a co hnga dingmi a ro kong ttha tein a vun theihfian bantuk khi kan si. Khrihfa chungah rumnak a zum lo mi tampi an um. Asinain a cunglei Baibal ah ka rel mi cu Pathian nih hin mirum na si ding hi a duh mi a si. 3John 1:2 ah “Ka dawtmi ka hawi, ngandam tein khua na sak I zeizong vialte na caah rem tein a um nakhnga thla kan campiak, Thlarau lei ah siarem in khua na sa ti kha ka hngalh.”
Pathian nih na dam ding le na tthawn ding lawng hi a duh mi siloin, chawva lei zong in hlawhtlinter an duh. Cucu Pathian nih an pek mi na covo cu a si.Abraham nun kan zoh tik ah a nunnak kakip in thluachuahnak a hmu tu a si (Gen. 24:1). “Sattil tampi a ngei, sui le ngun zong tampi a ngei(Gen.13:2). Nihin holh in kan chim ah cun phaisa tampi a ngei mi a si. Nang zong Abraham cithlah na si bantuk in a lam kip in thluachuah kha a rikhiah piak um loin a hmu mi na si. “Khrih ta nan si ahcun Abraham cithlah nan si I, Pathian biakamningin rocotu nan si”(Galati 3:29).
Pathian rocotu na si. Cucaahcun na bia zong puam ko seh, sifahnak kong hrim chim hlah, nang cu Pathian rocotu Khrih he roco tti khat nan si. Na bia puam in na chim tik ah na nunnak ah thilumtuning hna cu a cungah an kai lai. Mi cheukhat cu an mit tlang an san ter lai I, an phunzai lai. Asinain buaipi duh hlah. Na rumnak kong tu kha chim peng ko. Cun Pathian an na hlawhtlinnak kong zong ah khan nuam tein nung ko. Nawlbia phung zultu hna nih cun an celh lo bikmi cu, kan thlawhtlinnak hi a si. Umthiam loin le celh loin a chiatu hna si.
Rumnak cu Pathian nih Jesuh Khrih ah a kan pek cang mi a si. Cu caah a ho hmanh I hlen ter hna hlah. Nangmah cu Van Siangpahrang fa na si, na caah zeihmanh  a harmi a um lo. Nifatin tein Pathian bia nung chung ah na nun caah, na kaa in a chuakmi bia zong kha lungfim tein chim hna.
Rumnak kong kha chim peng. Cun zumhnak ah na unau a simi hna nih hlawhtlinnak an hmuh tikah an sinah vai lawm ve. Zeicahtiah cu bantuk nun cu Pathian nih a kan auhmi nun zia cu a si.

Sources;
Pastor, Chris.
Rhapsody of Realities(Chin)

Relchap>>

Anmah cu kan sinah an um..

Anih nih a thawh I, “ttih hlah, zeitintiah kan sin I aummi hna cu an sin I a ummi hna nakin an tam deuh” tiah a ti (2Siangpahrang 6:16)

Elisa le a salpa kong na thei ti maw? Bible nih a chimmi cu Syria siangpahrang nih rangleng tampi le keralkap tampi he an khuapi cu a kulh(2Siangpahrang 6:14). Pathian mi hman a simi Elisa kha an rak kawl. Asinain a zeihmanh a poi lo, ttihnak pel te hmanh a ngei lo. Jerusalem cu tlang nih a kulh bang in Pathian nih amifa hna cu a tu le zungzal in a huhphenh hna ti hi fiang tein a theih(Salm 125:2).

Hi bantuk dirhmun hi na nunnak ah na phanh ding dirhmun a si. A lianngan mi Pa cu na nunnak chung ah a um ti mi na theih awk asi. Cu lawng hlah na sin ah aitluk tein na nun ai hrawm ve mi zong a si. Tlangval pa nih cun a theithiam lo I Elisa nih thla a campiak. “Bawipa a hmuh khawh nakhnga a mit van ter ko” tiin. Tlangval pa mit cu Pathian nih a van ter tik ah, an velchum cu vancungmi mei rangleng in akhah kha a hmuh(2Siangpahrang 6:17). Pathian a simi nang cu nangmah lawng na si lo. “Sihmanhsehlaw nannih nih nan phakmi tlang cu Zion tlang le Pathian nung khualipi van Jerusalem, van mi a thongthong in an umnak kha a si. Nang cu Vanmi nih kulh mi na si. Bible nih a chim bang in annih cu na kalnak kip ah nangmah an zohkhenhtu ding, an umpitu ding le himnak an petu dingah rianpekmi an si (Salm 91:11). Alianngan Pathian kut huhphenhnak cu na cung ah a um. Cucaahcun a ho poh nih in do ko hna hmanhsehlaw, zeitil poh tlung ko hmanhsehlaw na van a chia kho hrimhrim ti lo.
“ Sihmanhsehlaw ka fale hna nannih cu Pathian ta nan si I Naal profet kha nan tei cang hna, zeicahtiah nan chung I a um mi Thlarau kha vawlei mi a simi hna chung I a ummi thlarau nakin a tthawng deuh(1John 4:4).
“An dohtu hna khan a tei diam cang hna. Cucaahcun Bible nih na ral hna nih cu lam khat in doh ding an ra lai, asinain na hmai in lam sarih in an tli lai”(Deuteronomy 28:7).
Sihmahsehlaw sermi hriamnam zeihmanh nih khan nangmah cu an pek kho lai lo (Isaiah 54:17).
Hi biatak hi a tu le a zungzal in philh hlah. Pathian le rel cawk lo mi Vanmi hna nih an in umpi I nangmah caah an si timi theih bu in nung. Mah caah cun zeihmanh nih tlangtling tein an in do kho lai lo.
Ka chung I na umpi zia theifiang buin le kan I pehtlaihnak theifiang buin ka nung.

Relchap>>

Anmah cu kan sinah an um..

Anih nih a thawh I, “ttih hlah, zeitintiah kan sin I aummi hna cu an sin I a ummi hna nakin an tam deuh” tiah a ti (2Siangpahrang 6:16)

Elisa le a salpa kong na thei ti maw? Bible nih a chimmi cu Syria siangpahrang nih rangleng tampi le keralkap tampi he an khuapi cu a kulh(2Siangpahrang 6:14). Pathian mi hman a simi Elisa kha an rak kawl. Asinain a zeihmanh a poi lo, ttihnak pel te hmanh a ngei lo. Jerusalem cu tlang nih a kulh bang in Pathian nih amifa hna cu a tu le zungzal in a huhphenh hna ti hi fiang tein a theih(Salm 125:2).

Hi bantuk dirhmun hi na nunnak ah na phanh ding dirhmun a si. A lianngan mi Pa cu na nunnak chung ah a um ti mi na theih awk asi. Cu lawng hlah na sin ah aitluk tein na nun ai hrawm ve mi zong a si. Tlangval pa nih cun a theithiam lo I Elisa nih thla a campiak. “Bawipa a hmuh khawh nakhnga a mit van ter ko” tiin. Tlangval pa mit cu Pathian nih a van ter tik ah, an velchum cu vancungmi mei rangleng in akhah kha a hmuh(2Siangpahrang 6:17). Pathian a simi nang cu nangmah lawng na si lo. “Sihmanhsehlaw nannih nih nan phakmi tlang cu Zion tlang le Pathian nung khualipi van Jerusalem, van mi a thongthong in an umnak kha a si. Nang cu Vanmi nih kulh mi na si. Bible nih a chim bang in annih cu na kalnak kip ah nangmah an zohkhenhtu ding, an umpitu ding le himnak an petu dingah rianpekmi an si (Salm 91:11). Alianngan Pathian kut huhphenhnak cu na cung ah a um. Cucaahcun a ho poh nih in do ko hna hmanhsehlaw, zeitil poh tlung ko hmanhsehlaw na van a chia kho hrimhrim ti lo.
“ Sihmanhsehlaw ka fale hna nannih cu Pathian ta nan si I Naal profet kha nan tei cang hna, zeicahtiah nan chung I a um mi Thlarau kha vawlei mi a simi hna chung I a ummi thlarau nakin a tthawng deuh(1John 4:4).
“An dohtu hna khan a tei diam cang hna. Cucaahcun Bible nih na ral hna nih cu lam khat in doh ding an ra lai, asinain na hmai in lam sarih in an tli lai”(Deuteronomy 28:7).
Sihmahsehlaw sermi hriamnam zeihmanh nih khan nangmah cu an pek kho lai lo (Isaiah 54:17).
Hi biatak hi a tu le a zungzal in philh hlah. Pathian le rel cawk lo mi Vanmi hna nih an in umpi I nangmah caah an si timi theih bu in nung. Mah caah cun zeihmanh nih tlangtling tein an in do kho lai lo.
Ka chung I na umpi zia theifiang buin le kan I pehtlaihnak theifiang buin ka nung.

Relchap>>